ත්‍රිරෝද රථයක් පෙරළී පුද්ගලයින් දෙදෙනෙක් මරුට

පේරාදෙණිය, ඒදඬුවාව ප්‍රදේශයේ දී ත්‍රිරෝද රථයක් පෙරළී යෑමෙන් සිදුවූ අනතුරකින් පුද්ගලයින් දෙදෙනෙක් ජීවිතක්ෂයට පත්ව තිබෙනවා.

ඊයේ (30) රාත්‍රී 8.00ට පමණ මෙම අනතුර සිදුව ඇති අතර, බෝයගම හා හෙන්දෙණිය ප්‍රදේශයේ පදිංචිව සිටි 46 හැවිරිදි සහ 53 හැවිරිදි පුද්ගලයින් දෙදෙනෙක් එම අනතුරින් ජීවිතක්ෂයට පත්ව ඇති බවය සඳහන්.

ත්‍රීරෝද රථය රියදුරුට පාලනය කර ගැනීමට නොහැකිව බෑවුමකට පෙරළී අනතුර සිදුව ඇති අතර, අනතුර සිදුවන අවස්ථාවේ දී රියදුරු ඇතුළුව පුද්ගලයින් සිව්දෙනෙකු රථයේ ගමන් කර ඇති බවයි වැඩිදුරටත් සඳහන් වෙන්නේ.