මීගමුව මහා නගර සභාවේ හිටපු නගරාධිපති වරයෙකුවූ වර්ණකුළසූරිය නික්ලස් ප්රනාන්දු මහතා ඊයේ(11) අලුයම මියගොස් තිබේ
මියයනවිට ඒ මහතා 82 වැනි වියේ පසුවිය.,ප්රථමවරට 1983 වසරේදී එක්සත් ජාතික පක්ෂයෙන් කුඩාපාඩුව කොට්ඨාශය තරඟකර මීගමුව මහා නගර සභාවේ නාගරික මන්ත්රීවරයෙකු ලෙස තේරී පත්වි ඇති නික්ලස් ප්රනාන්දු මහතා 1992 දක්වා නියෝජ්ය නගරාධිපති වරයා ලෙසත් 1992 සිට 1996 දක්වා මීගමුව මහා නගර සභාවේ 11 වන නගරාධිපතිවරයා වශයෙන් සේවය කර තිබේ.
මහත්මා දේශපාලනයේ නිරතවූ වෘත්තියෙන් ඝනකාධිකාරීවරයෙක් වූ ඒ මහතා වැඩිම ස්ථාවර තැන්පතු ප්රමාණයක් නගර සභාවේ වත්කම් ලේඛනයට එකතුකරන ලද නගරාධිපති වරයා බවද නගර සභා සේවකයන් පවසති
මහජන ගෞරවය සදහා දේහය අද 12 දින දහවල් 12.00 සිට 1.00 දක්වා මිගමුව මහානගර සභාවේ තැන්පත් කර තබන අතර අනතුරුව දේහය මීගමුව,කුඩාපාඩුව, පෙරේරා පෙදෙසේ ,අංක 25 දරණ ස්ථානයේ පිහිටි නිවසේ තැන්පත් කර තැබීමට නියමිතය.
අවසන් කටයුතු 14 වැනි සෙනසුරාදා සවස 2.30 ට මීගමුව වැල්ලවීදිය, රෝමානු කතෝලික සුසාන භූමියේදී සිදු කිරීමට නියමිතව ඇත
