රක්‍ෂිත බන්ධනාගාර ගතව සිටි ශ්‍රී ලංකා පොදු ජන පෙරමුණ පක්ෂයේ හිටපු පාර්ලිමේන්තු මන්ත්‍රී, නිමල් ලාන්සා ලක්ෂ දෙක බැගින්වූ පුද්ගල ඇප දෙකක් මත ඇප පිට මුදාහරින ලෙස මිගමුව ප්‍රධාන මහේස්ත්‍රාත් රඛිත අබේසිංහ මහතා 8 දින නියෝග කළේය.
2006.03.09 දින මීගමුව මහ නගර සභාවේ හිටපු එක්සත් ජාතික පක්ෂ උප නගරාධිපති වරයෙකු වන අංක 35, ජෝශප් මයිකල් පෙරේරා මාවත, දකුණු පල්ලන්සේන, කොච්චිකඩේ ලිපිනයේ පදිංචි රුද්‍රිගු සුනිල් විල්ප්‍රඩ් සිල්වා මහතා නිවසට සහ වාහන වලට පහරදී රුපියල් ලක්ෂ 28 ක් වටිනා දේපල කොල්ලකෑම සම්බන්ධයෙන්, කොච්චිකඩේ පොලිස් ස්ථානය වෙත කරන ලද පැමිණිල්ලකට අදාළව බී 1024/ 2006 දරණ නඩුව 2025.08.28 දින මීගමුව මහේස්ත්‍රාත් අධිකරණයේ කැඳවනු ලැබූ අවස්ථාවේදි එහි සැකකරුවන් ලෙස නම් කර සිටි නිමල් ලංසා සහ මීගමුව මහ නඟර සභාවේ හිටපු නාගරික මන්ත්‍රීවරයකු වන අංක 58, මීගමුව පාර, කොච්චිකඩේ ලිපිනයේ පදිංචි, බන්දුල නාඔටුන්න යන අය අත්අඩංගුවට ගෙන අධිකරණය වෙත ඉදිරිපත් කරන ලෙසට කොච්චිකඩේ පොලිස් ස්ථානයනය වෙත ලද නියෝගයක් අනුව අගෝස්තු 29 දින කොච්චිකඩේ පොලිසිය විසින් සැකකරුවන් අත්ඩංගුවටගෙන අධිකරණය හමුවට පැමිණ වීමෙන් පසු ඇප ප්‍රතික්ෂේපකර මෙම මස 12 දින දක්වා රක්‍ෂිත බන්ධනාගාර ගතකරනු ලැබිණි.
නිමල් ලාන්සා ඔහුගේ නීතිඥයන් මගින් මිගමුව පළාත්බද මහාධිකරණ වෙත ඉදිරිපත්කල ප්‍රතිශෝධන ඇප අයදුම්පක් අද8 මහාධිකරණ විනිසුරු කවින්ද්‍රා නානායක්කාර මහත්මිය හමුවේ විභාගයට ගනු ලැබූ අතර පෙත්සම්කරුට ඇප ලබාදෙන ලෙස එහිදී නියෝගකර ඇත
