රක්ෂිත බන්ධනාගාර ගතකර සිටි හිටපු රාජ්ය අමාත්ය වරයෙකුවන නිමල් ලාන්සා මහතා ලක්ෂ පහක පුද්ගල ඇපයක් මත ඇපපිට මුදාහරිනලෙස මිගමුව මහාධිකරණය විසින් නියෝගකර තිබේ.
නිමල් ලාන්සා වෙනුවෙන් ඔහුගේ නීතිඥයන් විසින් කල ඇප අයදුමක් පිලිබදව සලකා බැලීමෙන් පසු මෙම ඇප නියෝගය කර ඇත
2006.03.09 දින මීගමුව මහ නගර සභාවේ හිටපු එක්සත් ජාතික පක්ෂ උප නගරාධිපති වරයෙකු වන අංක 35, ජෝශප් මයිකල් පෙරේරා මාවත, දකුණු පල්ලන්සේන, කොච්චිකඩේ ලිපිනයේ පදිංචි රුද්රිගු සුනිල් විල්ප්රඩ් සිල්වා මහතා නිවසට සහ වාහන වලට පහරදී රුපියල් ලක්ෂ 28 ක් වටිනා දේපල කොල්ලකෑම සම්බන්ධයෙන්, කොච්චිකඩේ පොලිස් ස්ථානය වෙත කරන ලද පැමිණිල්ලකට අදාළව බී 1024/ 2006 දරණ නඩුව 2025.08.28 දින මීගමුව මහේස්ත්රාත් අධිකරණයේ කැඳවනු ලැබූ අවස්ථාවේදි එහි සැකකරුවන් ලෙස නම් කර සිටි නිමල් ලංසා මහතා සහ මීගමුව මහ නඟර සභාවේ හිටපු නාගරික මන්ත්රීවරයකු වන අංක 58, මීගමුව පාර, කොච්චිකඩේ ලිපිනයේ පදිංචි, බන්දුල නාඔටුන්න යන අය අත්අඩංගුවට ගෙන අධිකරණය වෙත ඉදිරිපත් කරන ලෙසට කොච්චිකඩේ පොලිස් ස්ථානයනය වෙත ලද නියෝගයක් අනුව අගෝස්තු 29 දින කොච්චිකඩේ පොලිසිය විසින් සැකකරුවන් අත්ඩංගුවටගෙන අධිකරණය හමුවට පැමිණවීමෙන් පසු මෙම මස 12 දින දක්වා රක්ෂිත බන්ධනාගාර ගතකරනු ලැබිණි.
