මිගමුව බන්ධනාගාර තුල ඇති වු සිද්ධියෙන් ජිවිතක්ෂයට 28 දෙනාගෙන් 17ක් වෙඩි වැදිමෙන්ද 11 ක් මොට ආයුධ වලින් කළ පහර දිම් වලින් මිය ගොස් ඇති බව මිගමුව ප්‍රධාන මහෙස්ත්‍රාත් ශිලනි පෙරේරා මහත්මිය විවෘත අධිකරණයේ දී ප්‍රකාශ කලාය.
මීගමුව අධිකරණ වෛද්‍ය නිලාධාරි විසින් අධිකරණයට ඉදිරිපත් කර තිබු මරන පරික්ෂන වාර් තා විවෘත අධිකරණය හමුවේ කියවා දෙමින් ප්‍රධාන මහෙස්ත්‍රාත්වරිය මේ බව සඳහන් කලාය.
නිලධාරීන් සහ රැඳවියන් වෙන් වෙන් වශයෙන් අධිකරණය සැලකිල්ලට නොගෙන ඇති බවත් අධිකරණය කාටත් එක සමානව යුක්තිය ඉටු කරන බවද මහේස්ත්‍රාත් තුමිය ප්‍රකාශ කළේය.
එමෙන්ම අපරාධයක් සිදුව ඇති බව තම අධිකරණය නිරික්ෂණය කර ඇති බැවින් සිද්ධිය සම්බන්ධයෙන් විමර්ශනය සිදුකර අධිකරණයටකරුණු ඉදිරිපත් කරන ලෙසද අපරාධ පරික්ෂන දෙපාර්තමේන්තුවට නියෝග කලේය.
බන්ධනාගාර නිලධාරීන් 200, රැඳවියන් 563, පොලිස් විශේෂ කාර්‍ය බලකා නිලධාරීන් 130, පොලිස් නිලධාරීන් 11 සහ සිවිල් පුද්ගලයන් 65ක් ඇතුළු 969 දෙනෙකුගෙන් ප්‍රකාශ ලබා ගෙන ඇති බව අපරාධ පරික්ෂණ දෙපාර්තමේන්තුව මීගමුව මහෙස්ත්‍රාත් අධිකරණයට දන්වා සිටියේය.
මියගිය රැඳවියන් වෙනුවෙන් සිරකරුවන් සුරැකිමේ සංගමයේ නීතිඥ සේනක පෙරේරා සහ නීතිඥ අරවින්ද හබක්කල මහතා පෙනී සිටියහ.
