පාවෙන හෝටල් ව්‍යාපෘතියක් ආරම්භ කිරීමේ සැලැස්මකට මුවාවෙමින් දිවුලපිටිය බෝලගල ප්‍රදේශයේ සිදුකරන මහාපරිමාණ මැටි කැපීම පිටුපස භූවිද්‍යා හා පතල් කැනීමේ කාර්යාංශය සහ ජලසම්පත් මණ්ඩලයේ නිලධාරීන් පිරිසක් සිටින බවට ප්‍රදේශවාසීන් චෝදනා කරති.
වසර ගණනාවක සිට මෙම මහාපරිමාණ පරිසර විනාශයට එරෙහිව අරගල කරන බෝලගල ප්‍රගති ග්‍රාම සංවර්ධන සමිතිය ග්‍රාම නිලධාරී වරයාගේ සිට ජනාධිපති තුමා දක්වා පැමිණිලි ඉදිරිපත්කර කර ඇතත් තවමත් මැරබලය සහ ධනබලය යොදාගනිමින් සිදුකරන මැටි කැපීම නතරකිරීමට බලධාරීන් පියවර ගෙන නැත.
මැටි වැලි කැපීම සදහා අටවනු ලැබූ මේ ව්‍යාජ පාවෙන හෝටල් ව්‍යාපෘතිය සදහා ජනාධිපති සම්මානයක් ලබාදීමට භූවිද්‍යා හා පතල් කැනීමේ කාර්යාංශය කටයුතු කලොත් එය පුදුමයට කාරණයක් නොවන බව බෝලගල ප්‍රගති ග්‍රාම සංවර්ධනසමිතියේ ක්‍රියාකාරීන් ප්‍රකාශ කරති.
ඇතිවූ පරිසරහානිය හේතුවෙන් ලිං සිදීයාමෙන් ගම්වාසීන්ට දෛනික අවශ්‍යතා සදහා අවශ්‍ය ජලය ලබාගැනීම බලවත් ගැටලුවකට පත්ව තිබේ.
අක්කර දෙකක් සදහා බලපත්‍ර ලබාගෙන ඇති මෙම ව්‍යාපාරිකය විසින් මේවනවිට අක්කර දහතුනක පමණ ප්‍රදේශයක ඉතා ගැබුරු වලවල් කපමින් දෛනිකව වැලි සහ මැටි ලොරි සිය ගණනක් ප්‍රදේශයෙන් පිටතට රැගෙන යමින් විශාල පරිසර හානියක් සිදුකරන බව ප්‍රදේශ වාසීන් පෙන්වා දෙති.
ප්‍රදේශවාසීන් විසින් ක්‍රීඩාපිටියක් ලෙස භාවිතා කල මෙම මැටිවලට යාබද ඉඩමද මේවනවිට විශාල වලක් බවට පත්කරමින් මැටිවැලි කපා විකුණා ගැනීමට මෙම ව්‍යාපාරිකයා සමත්ව ඇත.
මෙම අපරාධය පිලිබදව ඇති සැබෑ තොරතුරු වසන්කරමින ව්‍යාජ පාවෙන හෝටල් ව්‍යාපෘතිය පිලිබදව පුවත්පත් වලට ලිපිලියන අන්තර් ජාලයට කෙටි වාර්තා වැඩසටහන් මුදා හරින භූවිද්‍යා හා පතල් කැනීමේ කාර්යාංශයඅංශයේ නිලධාරීන් මෙම කුප්‍රකට ව්‍යාපාරිකයාගේ අතකොලුවක් බවට පත්වී ඇතිබවට සැකයක් ප්‍රදේශවාසීන් ප්‍රකාස කරයි.
ක්‍රීඩා පිටිය එදා
ක්‍රීඩා පිටිය අද
