වාහන බ්‍රෝකර් වරුන් ලෙසපෙනිසිටිමින් ත්‍රිරෝද රථයක් මිලදීගැනීමට පැමිණි අයෙකු බියගන්වා රුපියල් දෙලක්‍ෂ හයදහසක මුදලක් පැහැරගත් සැකකරුවන් තිදෙනෙකු මෙමමස 24 දිනදක්වා රක්ෂිත බන්ධනාගාර ඇත.
මෙසේ රක්ෂිත බන්ධනාගාර ගතකරන ලද්දේ කටාන තිබිරිගස්කටුව කේ සි ද සිල්වා පුරයේ පදිංචිකරුවන් බවකියන ලලීන්ද රුවන්කුමාර, ප්‍රමුදිත සිල්වා, නිමේෂ් මදුසංක යන සැකකරුවන් තිදෙනෙකි.
ත්‍රි රෝද රථයක් මිලදීගැනීමට රැගෙන එනලද මුදල් කොල්ලකන ලදබ්වට කදානේ සෙබස්තියන් මාවතේ පදිංචි කරුවෙකු වන පන්විලගේ දිලිප් ශාන්ත යන අයවිසින් කටාන පොලිසියේ අපරධ විමර්ශන අංශයට කරනලද මෙම මස 12 දින පැමිණිල්ලකට අනුව සිදුකරන ලද විමර්ශනයකින් අනතුරුව මෙම සැකකරුවන් තිදෙනා සහ කොල්ල කනලද මුදලින් කොටසක් (165100) ක් අත්අඩංගුවට ගෙන ඇත.
විමර්ශනවලදී හෙළිවූ කරුණු අනුව පැමිණිලිකරු ඔහුගේ හිතවතෙකු සමග කලින් කථාකරගත් ත්‍රි රෝද රථයක් මිලදීගැනීමට මුදල්ද රැගෙන කටානේ තිබිරිගස්කටුව ප්‍රදේශයට පැමිණ ඇත.
මිලදීගැනීමට පැමිණි ත්‍රි රෝද රථයේ පිලිබදව සෑහීමකට පත්නොවීම නිසා වෙනත් ත්‍රි රෝද රථයක් සොයමින් සිටයදී එක සැකකරුවෙකු වාහන බ්‍රෝකර් වරයෙකු ලෙස පෙනිසිට්මින් ත්‍රි රෝද රථයක් පෙන්වන මුවාවෙන් තවත් සැකකරුවෙකුගේ කේ සි ද සිල්වා පුරයේ නිවසකට පැමිණිලිකරු කැදවාගෙන ගොස් පොල්ලක් පෙන්වා බියගන්වා රුපියල් දෙලක්‍ෂ හයදහසක මුදල ඵරගෙන ඇත.
කොල්ලකන ලද මුදල් වලින් කොටසක් බුරුවා ගැසීමට සහ මත්කුඩු සදහා වියදම කර ඇතිබවද සැකකරුවන්ගෙන් සිදුකරන ලද ප්‍රශ්න කිරීම්වලදී අනාවරණය වී තිබේ.
කටාන පොලිසියේ ස්ථානාධිපති පොලිස් පරීක්ෂක ඩිලාන් රාජපක්‍ෂ මහතාගේ මෙහෙයවීමෙන් අපරාධ විමර්ශන අංශයේ ස්ථානාධිපති පොලිස් පරීක්ෂක සුදත් නිවුන් හෑල්ල සැරයන් 53155 සුදත් ගුණවර්ධන පොලිස් කොස්තාපල්වරුන් වන 82685 උදයකුමාර 15808 සේනාරත්න 33249 අනුෂ්ක 93442 සදරුවන් යන නිලධාරීන් විමර්ශන සිදුකර සැකකරුවන් අත්අඩංගුවට ගෙන තිබුණි.
