තම බිරිදට තියුණු ආයුධයකින් පහරදී තුවාල සිදුකර සැගවී සිටින මීගමුවේ රාජ්‍ය බැංකුවක කළමනාකරුවෙකු අත්අඩංගුවට ගැනීමට දුන්ගාල්පිටිය පොලිසිය පරීක්ෂණ ආරම්භකර ඇත.
වාර්තාවන අන්දමට තමන්ගේ මිතුරෙකුගේ විවාහ මංගල උත්සවයට සහභාගී නොවී දරුවන් සමග ශ්‍රීපාද වන්දනාවේ යාම ගැන උරන්වී බැංකු කළමනාකරු විසින් මෙම පහරදීම සිදුකර ඇත.
තුවාල ලැබූ කාන්තාව මිගමුව දිස්ත්‍රික් මහරෝහලේ නේවාසිකව ප්‍රතිකාර ලබන අතර දුන්ගාල්පිටිය පොලිසියේ ස්ථානාධිපති පොලිස් පරීක්ෂක වසන්තකුමාර මහතාගේ උපදෙස් අනුව අපරාධ විමර්ශන අංශයේ ස්ථානාධිපති උප පොලිස් පරීක්ෂක ජි.කේ ජයරත්න ද සිල්වා මහතා සැකකරු අත්අඩංගුවට ගැනීම සදහා වැඩිදුර පරීක්ෂණ සිදුකරයි
