ගසක් සිටුවීම අගය කලයුතු කටයුත්තකි ගසක් සිටුවිය යුතු නිවැරදි ස්ථානයක රෝපණය කිරීම ඊටත් වඩා වැදගත් කරුණකි.බොහෝ විට වැට මායිම් ආරවුල් ඇති වුනේ ඉඩම් නඩු කියාගත්තේ ගහ මරා ගත්තේ වැටවල් අයිනේ සිටුවන ලද කොස් පොල් දෙල් ගස්වල පලදාව බෙදා ගැනීම පිළිබද කතාබහ දුරදිග ගොස් ආරවුල් බවට පත්වීමෙනි.
මේ අටුවා ටීකා ලියන්නට සිදු වුනේ මිගමුව නගරයේ අද 19 දින පැවති රුක්රෝපණ වැඩසටහනක් සදහා වැට මායිමක් තෝරාගෙන තිබුණු නිසාය. මිගමුව මහා නගර සභාව වනසංරක්ෂණ දෙපාර්තමේන්තුව සහ මාර්ග සංවර්ධන අධිකාරිය එක්ව මෙම ස්ථානය තෝරාගෙන තිබුණි.
මෙම ස්ථානයේ පෙර පැවති රුක්රෝපණ වැඩසටහන් වලදී සිටවූ එක ගසක් හෝ දිගුකලක් පැවතුනේ නැත.
දුම්රිය මාර්ගයත් එයට මෙපිටින් ඇති ඇල මාර්ගයත් මහා මර්ගයත් අතර ඇති කුඩා බිම තීරුවේ මී ගහක් කොහොබ ගහක් තබා තබා පුවක් පැලයක් පැල කරන්නට ප්රමාණවත් ඉඩක් නොමැති බව මෙම කටයුත්තට එක්වූ වනසංරක්ෂණ නිලධාරීන්ට අවබෝධයක් නොතිබීම කණගාටුවට කරුණකි..
ආණ්ඩුව කියන නිසා හෝ හුදු ප්රචාරණය සදහා කරන්නන් වාලේ මෙවැනි කටයුතු සංවිධානය කිරීම තුලින් නිලධාරීන් වගකීමකින් තොරව මහජන බදු මුදල් නාස්තිකර රජයද අපහසුතාවයට පත්කරමින් සිටි.
