වැඩෙන ගස දියුණුව කරා පා නගන රටක ජීවමාන සංකේතයකි තේමාව යටතේ වනසංරක්ෂණ දෙපාර්තමේන්තුව මිගමුව මහා නගර සභාව එක් ව සංවිධානය කල රුක් රෝපණ වැඩ සටහනක් මිගමුව බස්නැවතුම්පොළ ඉදිරි පිටින් අද 19 දින ආරම්භවිය .
පළාත් පාලන සහ රුක්රෝපණ සතිය යටතේ සිදුකල මෙම ව්‍යාපෘතිය යටතේ අගරදගුරු නිකුලස් මාර්කස් ප්‍රනාන්දු මාවතේ මිගමුව බස්නැවතුම්පොළ අසල සිට ගල්කන්ද හංදිය දක්වා කොටසේ මිගස් ඇතුළුව 250 කට වැඩි ගස් ප්‍රමාණයක් සිටුවීමට කටයුතු කරනබව බව මෙම අවස්ථාවට ප්‍රධාන ආරාධිතයා ලෙස සහභාගිවූ නගරාධිපති නීතිඥ රොබට් හීන්කෙන්ද මහතා පැවසිය.
නියෝජ්‍ය නගරාධිපති චාමර ප්‍රනාන්දු මහතා ඇතුළු නාගරික මන්ත්‍රීවරුද නාගරික කොමසාරිස් ඇතුළු නිලධාරීන් සහ ප්‍රදේශවාසීන් පිරිසක් ද මෙම අවස්ථාවට එක්ව සිටියේය.
නගරාධිපති රොබට් හීන්කෙන්ද මහතා විසින් කරද පැලයක් රෝපනය සදහා එක්වූ අවස්ථාව ජායාරුපයෙන් දැක්වේ
