වන අලින් ඇතුළු සතුන් ඝාතනයට භාවිතා කරන හක්ක පටස් සකස්කිරීම සදහා සදහා යොදාගන්නා චීනපටස් වෙඩි 4400 ක් සමග ගිනිකෙළි නිෂ්පාදකයෙකු වලන දුෂණ මර්ධන ප්‍රහාරක බලකාය විසින් අද 10 දින සවස කටාන කිඹුලාපිටිය ප්‍රදේශයේදී අත්අඩංගුවට ගෙන තිබේ.
ලද තොරතුරකට අනුව සිදුකල වැටලීමේදී මෙලෙස අත්අඩංගුවට ගෙන ඇත්තේ කිබුලාපිටියේ ප්‍රසිද්ධ ගිනිකෙළි ව්‍යාපාරිකයෙකි.
නිෂ්පාදනය තහනම් කරනලද මෙම වෙඩි ලගතබා ගැනීම මෙන්ම නිෂ්පදනය කිරීමද බලපත්‍ර කොන්දේසී උල්ලංඝනය කිරීමකි.
විශේෂයෙන්ම හක්ක පටස් ආහාරයට ගැනීමෙන් වන අලින් තුවාල ලබන අතර මුඛයට ඇතිවන හානිය නිසා අහාර ගැන්මට නොහැකිවී නිරාහාරව දුක්විද මරණයට පත්වේ.
එක් එක් සතා අනුව කෑමට ප්‍රියකරන ආහාරයක් සමග චිනපටස් දවටා හක්ක පටස් සෑදීම සිදු කරන අතර අත්අඩංගුවට ගෙන ඇති චින පටස් තොගයෙන් විශාල හක්ක පටස් ප්‍රමාණයක් සෑදිය හැකිබව දැනගන්නට ඇත
සැකකරු සහ වෙඩි තොගය කටාන පොලිස් ස්ථානයට බාරදී ඇති අතර . වැඩිදුර විමර්ශන වලින් පසුව හෙට අධිකරණයට ඉදිරිපත් කිරීමට නියමිතය
