කටාන පොලිස් වසමේ, කිඹුලාපිටිය ආඩිඅම්බලම පාර අංක 40/21/13, අශෝකාරාමය ලිපිනයේ පිහිටි, රතිඤ්ඤා නිෂ්පාදනය කරනු ලබන ම අඩි මඩුවක් තුළ අද 9 දින පස්වරු 3.30 ට පමණ , සිදුවී ඇති පිපිරීමක් හේතුවෙන් විසි හැවරදී පුංගු දොරේ නමැති තරුණයෙකු ජිවිතක්ෂයට පත්ව ඇත.
මෘත දේහය පශ්චාත් මරණ පරීක්ෂණ කටයුතු සඳහා මීගමුව දිස්ත්රික් මහ රෝහලේ තබා ඇති අතර ඔහු බණ්ඩාරවෙල පහල කොටස ටෙක් වත්ත ලිපිනයේ පදිංචි කරුවෙකී .
කටාන පොලිස් ස්ථානයේ ස්ථානාධිපති ප්රධාන පොලිස් පරීක්ෂක වසන්ත සුදසිංහ මහතාගේ අධීක්ෂණය යටතේ සිද්ධිය පිලිබදව වැඩිදුර විමර්ශන සිදුකරයි
මියගිය තරුණයාගේ මළසිරුර පිපිරිම සිදුවූ ස්ථානයෙන් සිට අඩි විස්සක් පමණ ඈතට විසිවී තිබී ඇත .
කිබුලාපිටියේ ගිනිකෙළි කම්හල් නිසි ප්රමිතියකින් පවත්වා ගෙන නොයාමත් නියාමනයේ ඇති දුර්වලතාත් හේතුවෙන් මෙවැනි පිපිරීම් නිතර සිදුවන බවත් මියයන බොහෝ දෙනා දුෂ්කර පළාත්වල සිට පැමිණෙන අඩු ආදායම්ලාබී පවුල්වල තරුණයන් බවත් ප්රදේශ වාසීන් පවසති.
කිඹුලාපිටි යෙන් අපහසුවකින් තොරව බලපත්ර නැතිව වෙඩි බෙහෙත් මිලදී ගැනීමට හැකිවීමද මෙම පිපිරීම් වලට එක් හේතුවක් බවද මෙවැනි පිපිරීම් වලට ෆ්ලෝකරේට් වැනි පුපුරන ද්රවය අනාරක්ෂිතව යොදා ගැනීමද තවත් හේතුවක් බව නම හෙලිනොකිරීමේ පොරොන්දුව මත අපවෙත තොරතුරු ලබාදුන් බලපත්ර ලාභී ගිනිකෙළි නිෂ්පාදකයෙක් පැවසිය.
