පිටිපන ලෙල්ලම ඉදිරිපිට මාර් ගයේ වෙලදාම් කිරීම තහනම් කරමින් මිගමු මහේස්ත්රාත් අධිකරණය විසින්බි 751 /11 නඩුවට අදාලව 2011. 11. 15 ලබාදී ඇති නියෝගයට ගරු නොකරමින් මහා පාරේ ගමන්කරන මහජනතාව පිඩාවට පත්කරමින් තවදුරටත් මහපාරේ සිදුකරන වෙලදාම් නැවැත්වීමට බලධාරීන් කඩිනමින් පියවර ගතයුතු බව මහජනතාව පවසති.
එමෙන්ම මාර්ග සංවර්ධන අධිකාරියට අයත් මෙම භුමිය ටෙන්ඩර් කර යලි ලබාදීමද තහනම් කරනබව අධිකරණය ලබාදී ඇති තීන්දුවේ සදහන් වේ.
නගර සභාව විසින් මෙම වසරේ ලෙල්ලම ඉදිරිපිට පාරේ නතර කරන වාහන වලින් මුදල් අයකර ගැනීම සදහාටෙන්ඩර් කර මිලගණන් කැදවා ඒසදහා බදුකරුවෙකු සමග ගිවිසුම් ගතව ඇතිබවද දැනගන්නට ඇත.
නඩු තීන්දුවේ සදහන් නියෝග ක්රියාත්මක කිරීම අදාල බලධාරීන් විසින් පැහැර හරින්නේනම් එය අධිකරණයට සිදුකරන අපහාසයක් බව මේ පිලිබදව අපකල විමසීමකදී ජ්යෙෂ්ඨ නීතිඥයෙකු පැවසිය.
