රුපියල් බිලියන 1.1 ක් ( රුපියල් කෝටි 110) වටිනා මත්ද්රව්ය තොගයක් සමග කටුනායක, ගුවන්තොටුපළේදී අත්අඩංගුවට ගත් භික්ෂූ ප්රතිරුපකයන් 22දෙදෙනා මැයි 02 දක්වා මත්ද්රව්ය කාර්යාංශයේ රඳවාගෙන ප්රශ්න කිරීමට මීගමුව අතිරේක මහේස්ත්රාත් සුභානි අබේසේකර මහත්මිය ඊයේ (26 ) පස්වරුවේ අවසර ලබාදුන්නාය.
පොලිස් මත්ද්රව්ය නාශක කාර්යාංශයට ලද විශේෂ බුද්ධි තොරතුරකට අනුව එම කාර්යාංශය විසින් සිදුකළ මෙහෙයුමකදී රුපියල් බිලියන 1.1 කට වඩා වටිනා කුෂ් සහ හෂීස් මත්ද්රව්ය කිලෝ 110 ක් සමඟ තරුණ බෞද්ධ භික්ෂූ ප්රතිරුපකයන් විසි දෙදෙනා 25 දින අලුයම කටුනායක ගුවන් තොටුපොලේදී අත්අඩංගුවට ගෙන තිබිණි
මෙම භික්ෂූ ප්රතිරුපකයන් කණ්ඩායම පසුගිය අප්රේල් 22 වැනිදා තායිලන්තයේ, බැංකොක් නුවර බලා පිටත්ව ගොස් ඇත්තේ කිසියම් අනුග්රාහකයෙකු විසින් ලබාදුන් ගුවන් ටිකට්පත් මගින් බවද මෙතෙක් සිදුකල විමර්ශනවලදී හෙළිවී තිබේ. භික්ෂූ ප්රතිරුපකයන්ගේ ජංගම දුරකථන පරීක්ෂා කිරීමේදී, ඔවුන් තායිලන්තයේ දී සිවුරු ඉවත් කර සාමාන්ය සිවිල් ඇඳුමින් සැරසී ගන්නා ලද ඡායාරූප සහ වීඩියෝ දර්ශන හමුවී තිබේ .
මෙම භික්ෂූ ප්රතිරුපකයන් මීගමුව මහේස්ත්රාත් අධිකරණයට ලබන මැයි 02 යලි ඉදිරිපත් කිරීමට නියමිතයනීතිඥ දුලීශා විජේසූරිය සමග ජ්යෙෂ්ඨ නීතිඥ නෙල්සන් කුමාරනායක, ජ්යෙෂ්ඨ නීතිඥ අජිත් පතිරන මහතාගේ උපදෙස් මත, නීතිඥ තරිඳු වික්රනායක, බුද්ධි උදාර, නීතිඥ සචිත් වෙල්ගම, නීතිඥ නාමල් වනිගසූරිය යන නීතිඥවරු පිරිසක් පෙනී සිටියහ.
