වයස අවුරුදු 60ක ඉන්දීය ජාතික භූ විද්යාඥයෙකු රුපියල් මිලියන 108ක් පමණ වීදි වටිනාකමක් ඇති කොකේන් ග්රෑම් 2,150ක් සමග කටුනායක ගුවන් තොටුපොළේදී ශ්රී ලංකා රේගුවේ මත්ද්රව්ය පාලන ඒකකයට අනුයුක්ත නිලධාරීන් විසින් අද (15) පෙරවරු 10.30ට පමණ පැමිණීමේ පර් යන්තයේදී අත්අඩංගුවට ගෙන ඇත.
ඔහු උගන්ඩාවේ සිට කටාර් රාජ්යයේ දෝහා නගරය හරහා කටුනායක ගුවන් තොටුපළ වෙත කටාර් ගුවන් සේවයට අයත් QR 664 දරණ ගුවන් යානයෙන් පැමිණ තිබුණි.
සැකකරුගේ ගමන් මලු රේගු නිලධාරීන් විසින් සිදු කළ පරීක්ෂාවේදී ඉතා සූක්ෂම ලෙස සඟවා තිබූ කොකේන් ග්රෑම් 2,150ක් සොයාගෙන ඇත.
සිද්ධිය සම්බන්ධයෙන් ශ්රී ලංකා රේගුවේ මත්ද්රව්ය පාලන ඒකකය විසින් සිදුකරන විමර්ශන වලින් අනතුරුව සැකකරු සහ අත්අඩංගුවට ගත් මත්ද්රව්ය වැඩිදුර විමර්ශන හා නීතිමය කටයුතු සදහා පොලිස් මත්ද්රව්ය නාශක කාර්යංශය වෙත භාරදීමට නියමිතය.
