මිගමුව මහා නගර සභාවේ විධායක නිලධාරිනියක් විසින් තමන්ට හිමි ඉන්ධන ප්‍රමාණය ඉක්මවා ඉන්ධන භාවිතා කිරීම පිලිබදව සහ රාජකාරියට වාරතා නොකර සති අන්ත දීමනා1/20 ලබාගැනීම පිළිබද විගණන විමසුමක් ලැබී ඇතිබව නගර සභාවේ ආරංචි මාරග පවසයි.
මාසික ව හිමිකම ඇති ඉන්ධන කෝටාව ඉක්මවා මෙම නිලධාරියා සදහා වෙන්කර ඇති වාහනය සදහා ඉන්ධන ලබාගෙන ඇතිබවද දැනගන්නට තිබේ.
විගණන විමසුමේ ඇති චෝදනා වලින් ගැලවීම සදහා සහායදක්වන කණ්ඩායම විශ්‍රාම ගොස් සිටින හිටපු ජ්‍යෙෂ්ඨ නිලධාරීන් ගෙන් සහ ධුරධාරින්ගේන් උපදෙස් ඉල්ලමින් සිටිනබවද තවදුරටත් වාරතා වේ.
එමෙන්ම ළදරු මානසිකත්වයක් ඇති විගණනය වදයක් ලෙස දකින සමහරක් නිලධාරීන් මිගමුවනගර සභාවේ ඇති විගණකාධිපති වරයාගේ කාරයමණ්ඩලයට ලබාදී ඇති පහසුකම් කපාහැරීමට කාරක සභා රැස්වීමකදී යෝජනා කර ඇත.
මුල්‍ය විනය පිලිබදව අනෙකුත් නිලධාරීන්ට ආදර් ශයක් ලබාදෙමින් කටයුතුකළයුතු නිලධාරීන් ඉන්ධන කෝටාව මහා සභාවේ යෝජනාවක් මගින් වැඩිකර ගෙන වැරැද්ද වහගැනීම උත්සාහ කරන්නේනම් එය වැරදි ආදරශයක්වනු ඇති අතර එය නීතියට ඉහලින් සිටීමට ගන්නා උත්සාහයකි
මහා සභාවට යෝජනා ඉදිරිපත්කර සම්මත කරවාගෙන වැරැදි නිත්‍යානුකුල කරගැනීමට උත්සාහ කරන්නේනම් යෝජනා පරාජය කිරීම ප්‍රගතිශීලි නාගරික මන්ත්‍රීවරුන්ගේ වගකීමකි.
