“මට විරුද්ධව නඩුවක් විභාග කළොත් කරන්නේ පිලිපීන අධිකරණයක විතරයි. මම පෙනී ඉන්නේ පිලිපීන අධිකරණයක විතරයි. මම යුරෝපීය ජාතිකයන්ට උත්තර දෙන්නේ නැහැ. ප්රශ්න අහන සුදු මනුස්සයෙක් ඉස්සරහා මම ඉන්නේ නැහැ” යැයි ද ඔහු කීවේය.
පිලිපීන අධිකරණ පද්ධතිය කදිමට ක්රියාත්මක වන බවත් එහෙයින් ජාත්යන්තර අධිකරණයක තමන්ට එරෙහිව නඩු ඇසීමේ වුවමනාවක් නැති බවත් පිලිපීන ජනාධිපතිවරයා මෙම රූපවාහිනි සාකච්ඡාවේදී පැවැසීය.
“මම පිලිපීන ජාතිකයෙක් අපිට මෙහේ අධිකරණ තියෙනවා. ඔබට ඕනේ මා වෙන කොහෙටහරි ගෙන්වන්න ද ? මම කැමැති නැහැ ඒකට. මට මගේ රට තියෙනවා. මගේ රටේ රාජකාරි වෙනවා. මගේ අධිකරණ පද්ධතියක් තියෙනවා. පිලිපීනයේ අධිකරණ පද්ධතිය හොඳින් ක්රියාත්මක වෙනවා” යැයි ඔහු කීවේය.
පිලිපීන පොලිසිය අනිසි ලෙස ඔවුන්ගේ බලය භාවිත කරන බවත් ඝාතන සිදු කරන බවත් පොලිසිය සහ නිලධාරීන් කරන වැරැදිවලට දඬුවම් නොලබා නිදැල්ලේ සිටින බවටත් පිලිපීන විපක්ෂය චෝදනා කරයි.
පිලිපීන කොංග්රසයේ බහුතර කැමැත්තේ ඇත්තේ ජනාධිපති ඩුටාර්ටේය. එය සුපිරි බහුතරයක් යැයි දේශපාලන විචාරකයෝ පෙන්වාදෙති. පිලිපීන අධිකරණ පද්ධතිය, කොමිෂන් සභා හා විමර්ශන ආයතනවල සිටින්නේ ජනාධිපති ඩුටාර්ටේ පත්කළ නිලධාරීන් බැවින් ඔහුට එරෙහිව දෝෂාභියෝගයක් ගෙන ඒම හෝ ඔහුට එරෙහිව නීතිය ක්රියාත්මක කිරීම කිසිසේත් නොවන්නක් බව පිලිපීන විපක්ෂය පෙන්වාදෙයි.
රොයිටර් ඇසුරිනි
