පොදුජන එක්සත් පෙරමුණ විසින් මිගමුව මැතිවරණ බලප්රදේශයට නිත්ය සංවිධායක වරයෙක් පත්නොකිරීමෙන් තමන් නනත්තරා වී ඇති බව පාක්ෂිකයන් පවසති .
ගම්පහ දිස්ත්රික්කයේ මිනුවන්ගොඩ සහ මිගමුව මැතිවරණ කොට්ඨාශ දෙකට හැර අනෙකුත් සියලු ආසන සදහා පොදුජන එක්සත් පෙරමුණ විසින් සංවිධායක වරුන් පත්කර ඇතිබවත් මීගමුවට මේ වනවිට තෙවන ආසන සම්බන්ධිකාරක වරයාද පත්කර තිබෙන බවත් මේ අන්දමට කටයුතු කළහොත් මීගමුවේන් පොහොට්ටුවේ දේශපාලන වශයෙන් බිංදුවටම වැටෙනබව මීගමුවේ සැලකිය යුතු දේශපාලන තනතුරක් දැරූ හිටපු ප්රබල දේශපාලඥයෙකු පැවසිය.
මිනුවන්ගොඩ සහ මිගමුව සදහා ආසන සංවිධායකවරුන් පත්කරන්නේ පළාත් සභා මැතිවරණයෙන් පසුබව පොහොට්ටු ප්රබලයන් පක්ෂ කාර්යාලයට කැදවා තමන්ට පැවසූ බවත් එලෙස සංවිධායක වරයෙකු වශයෙන් පත්කරන්නේ පළාත් සභා මැතිවරණය ජය ගන්නා අපේක්ෂකයා බව තමන්ට දැනුම් දුන් බව පවසන ජ්යෙෂ්ඨ සාමාජිකයන් විශාල පිරිසක් පක්ෂය හැර යාමේ සුදානමක් පවතින බවද දැනගන්නට ඇත.
තමන්ගේ ජන්දයේදී මීගමුවේ මනාප එකතු කර ගැනීමට සැලසුම් සකස්කරගෙන සිටින ගම්පහ දිස්ත්රික්කයේ පොහොට්ටු ප්රබලයෙකු සංවිධායක වරයෙකු පත්කිරීම වැළැක්වීමේ පිටුපස සිටින බවට පොහොට්ටු සමාජිකයන් අතර කතිකාවතක් ගොඩනැගී ඇත.
මේවන විට මීගමුවට නව ආසන සම්බන්ධිකාරක වරයෙකු පත්කර ඇති අතරඔහු කෙටිකාලයක් තුලදී පත්කළ තුන්වැන්නා වීමද විශේෂත්වයකි
