27.6 C
Negombo
27.6 C
Negombo

මීගමුව, හරිස්චන්ද්‍ර ජාතික පාසලේ 77 වන උපන් දිනය අදයි

-

මීගමුව, හරිස්චන්ද්‍ර ජාතික පාසැල (මුල් නම : හරිස්චන්ද්‍ර මහා විද්‍යාලයය – HMV) ආරම්භ කොට අදට (04) වසර 77ක් සපිරෙයි.
කිතුණුවන් බහුල ‘පුංචි රෝමය’ ලෙසින් හැඳින්වෙන මීගමුව නගරයේ බෞද්ධ පාසැලක් ආරම්භ කළ යුතු යැයි යන අදහසට* අනුව මීගමුව, ධර්ම දුත සමිතියේ මුලිකත්වයෙන්,වර්ෂ 1942 ක්වූ ජනවාරි මස 04 වෙනිදා සිසුන් පස් දෙනෙකුගෙන් යුත් කුඩා පොල් අතු මඩුවක දී හිටපු අධ්‍යාපන ඇමති C W W කන්නන්ගර මැතිතුමන් ගේ ප්‍රධානත්වයෙන් හරිස්චන්ද්‍ර විද්‍යාලය ආරම්භ කරන ලදී. 
ඒ වෙනුවෙන් ඉඩම පරිත්‍යාග කර ඇත්තේ දිවංගත වෛද්‍ය C L A ද සිල්වා විසිනි. බ්‍රහ්මචාරී වලිසිංහ හරිස්චන්ද්‍ර තුමන් ට උපහාර පිණිස, ‘හරිස්චන්ද්‍ර’ නාමය විදුහලට යෝජනා කර ඇත්තේ හිටපු ගාල්ල දිස්ත්‍රික් මන්ත්‍රී M W අමරසුරිය විසිනි. M වැලිකන්න ගුරු පියාණන් ආරම්භක විදුහල්පති ලෙස පත්වූ අතර මහාචාර්ය ගුණපාල මලලසේකර විසින් ප්‍රථම දින ශිෂ්‍ය කණ්ඩායමට ‘අකුරු හෝඩිය’ කියවා ඇත.
ප්‍රථම සිසුවා ලෙස ඉතිහාස ගත වන භද්‍රානි මෙන්ඩිස් මහත්මිය, වෛද්‍ය C L A ද සිල්වා මයා ගේ මිණිපිරියක් වන අතර දැනට 82 වෙනි වියෙහි පසුවෙයි.
වත්මන් විදුහල්පති අරුණ ගුණසිරි මයා හරිස්චන්ද්‍ර විද්‍යාලයේ 20 වෙනි විදුහල්පතිවරයා ලෙස සැලකෙයි.
හිටපු අගවිනිසුරු පාරින්ද රණසිංහ ඇතුළු දිවයිනේ සුප්‍රසිද්ධ පුද්ගල චරිත ගණනාවකට මුලික අධ්‍යාපනය ලබාදී ඇති මීගමුවේ එකම බෞද්ධ ජාතික පාසැල වන හරිස්චන්ද්‍ර විදුහලේ දැනට සිසුහු 5,000කට ආසන්න සංඛ්‍යාවක් අධ්‍යාපනය හදාරති.
 
හරිහඳ මවුනි, ඔබට සුභ උපන්දිනයක් වේවා!
*මෙය 1941 නොවැම්බර් 04 දින ධර්ම දුත සමිතියේ රැස්වීම් වාර්තාවේ සඳහන්ව ඇත. මෙම ලිපිය සම්පාදනයේදී සුජිතා මිරැන්ඩා විසින් රචිත විශේෂාංග ලිපියක තොරතුරු ඇසුරු කර ගැනිණි. 
දිනේෂ් උඩුගමසුරිය 
spot_img

නවතම පුවත්

You might also likeRELATED
Recommended to you

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.