ස්ථාවර තැන්පතුවෙන් ලක්ෂ 800 ක් ආපසු ලබාගෙන උපසභාපති වරයාගේ ප්රයෝජනයට ලක්ෂ 120 ක් වටිනා කැබ් රථයක් මිලදී ගැනීම සදහා ගෙනඑන ලද යෝජනාවක් නිසා කටුනායක සිදුව නගරසභාවේ අද පැවති මාසික සභා රැස්වීම දැඩි උණුසුම් බවක් ගෙන ඇත.
කටුනායක සිදුව නගර සභාවේ සභාපතිවරයා එක්සත් ජාතික පක්ෂය නියෝජනය කරන අතර උපසභාපතිවරයා නියෝජනය කරයි.ස්ථාවර තැන්පතුව මුදල් කර උපසභාපති වරයාට ලක්ෂ 120 ක් වටිනා කැබ් එකක් ලබාගැනීමට තමන් ඇතුළු මන්ත්රීවරු හයදෙනෙක් විරුද්ධවූ බව නාගරික මන්ත්රී ගාමිණී හෙට්ටිආරච්චි මහතා පවසයි.
මෙම මන්ත්රීවරුන් මෙසේ විරුද්ධ වී ඇත්තේ සභාවේ සේවකයන්ගේ අතිකාල කපාහැර අත්යාවශ්යසේවාවන් නිසිපරිදි පවත්වාගෙන යාමට පවා අපහසු අවස්ථාවක අත්යවශ්ය ගලිබව්සර්යක් ඇතුළු මිලදීගැනීම නොකර සරත් පිරිස් සභාපතිවරයා තමන්ගේ පැවැත්ම සදහා චමිත් නිශාන්ත උප සභාපතිවරයා සතුටුකිරිම සදහා ජනතාවගේ බදුමුදල් වියදම් කිරමට එරෙහිවය.
යෝජනාවට විරුද්ධ වූ මන්ත්රීවරුන් අතර ගාමිණී හෙට්ටි ආරච්චි ලලිත් රොහාන් යන ශ්රීලංකා පොදුජන පෙරමුනේ මන්ත්රීවරු දෙදෙනා සමීර තුෂාංග රොෂාන්ත තාරක යන එක්සත් ජාතිකපක්ෂයේ මන්ත්රීවරු දෙදෙනෙක් ශ්රීලංකා නිදහස් පක්ෂයේ ඩිනල් පෙරේරා මන්ත්රීවරයා සහ ජනතා විමුක්ති පෙරමුණේ චම්පික හෙට්ටිඅරචි නාගරික මන්ත්රීවරයා විය.
කෙසේ වෙතත් නගරාධිපති වරයා ගෙනෙන ලද යෝජනාව වැඩි ජන්දයෙන්සබා සම්මත වී ඇති අතර
මේ අවස්ථාවේදී එක්සත් ජාතික පක්ෂයේ නාගරික මන්ත්රීනි නිලුකා සිල්වා නාගරික මන්ත්රීවරිය විසින් සභා ගැබතුලදී එක්සත් ජාතික පක්ෂයේම සමීර තුෂාංග නාගරික මන්ත්රී වරයාට චිත්ත රෙද්දක් පොරවා ඇත්තේ කැබ්රථ යෝජනාවට ව්රෝධය දැක්වීමනිසා නගරාධිපති වරයාගේ අනුදැනුම මතයයි අපගේ ආරංචි මාර්ග පවසයි
