27 C
Negombo
27 C
Negombo

නැන්දම්මා සමග උරණවූ බෑණා -පෙට්‍රල් දමා කඩය ගිනිතබයි

-

ණය කරුවෙකුට පොලී  ගෙවීමට  මුදල් නොලැබීම නිසා නැන්දම්මා සමග උරණවූ බෑණා ව්‍යාපාරික  ස්ථානයකට ගිනි තැබූ පුවතක් මිගමුව කොචිචිකඩේ පොලිසියෙන් වාර්තාවේ.

මිගමුව ඇත්ගාල කොචිචිකඩේ පදිංචි බ්‍රිජට් පිරිස් පුල්ලේ යන අය විසින් මෙම ගිනි තැබීම පිලිබදව පොලිසියට පැමිණිලි කර ඇති අන්දමට  මෙම ගිනි තැබීම සිදුකර ඇත්තේ ඇයගේ බෑණා විසිනි.

මිගමුව හලාවත පාරේ පිහිටි මෙම මහල්  ගොඩනැගිල්ල තට්ටු හතරකින් යුක්ත වන අතර පහත මාලයේ පැමිණිලි කාරිය විසින් ප්ලාස්ටික් සහ ඇලුමිනියම් භාන්ඩ අලවිකිරීමේ ව්‍යාපාරයක් පවත්වාගෙන යයි.

23 දින සවස .4.40 ට පමණ ව්‍යාපාරික ස්ථානයට පැමිණ ඇති සැකකරු  පිරිස් මහත්මියගෙන් ණය කරුවෙකුට පොලිය ගෙවීමට  මුදල් ඉල්ලා ඇත මේ අවස්ථාවේදී  මුදල් නොමති බව ප්‍රකාශ කිරීමත් සමග උරණ වූ සැකකරු ඔහු පැමිණි වාහනයේ  තිබු පෙට්‍රල් බෝතලයක් රැගෙන විත් කඩය තුලට  පෙට්‍රල් දමා  ලයිටරයෙන් ගිනිතබා ඇත.

මිගමුව මහා නගර සභාවේ ගිනිනිවීමේ දෙපාර්තමේන්තුව පොලිසිය සහ ප්‍රදේශ වාසීන් එක්ව ගින්න නිවාදමා ඇතිතර ගින්නෙන් සිදුවූ  අලාභය මෙතෙක් ගණනය කර නැත.

කොච්චිකඩේ පොලිසියේ ස්ථානාධිපති  ප්‍රධාන පොලිස් පරීක්ෂක චන්ද්‍ර පද්මලාල් මහතාගේ උපදෙස් අනුව අපරාධ විමර්ශන අංශයේ ස්ථානාධිපති පොලිස් පරීක්ෂක දුලාජ් අරියරතන මහතා විසින් සිද්ධිය පිලිබදව වැඩිදුර පරීක්ෂණ සිදුකරයි.

spot_img

නවතම පුවත්

You might also likeRELATED
Recommended to you

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.