මිගමුව ඒත්තුකාල සිල්වෙස්ටර් පෙදෙසේ නීතිවිරෝධී දුරකථන සන්නිවේදන ජාලයක් පවත්වාගෙනගිය 35 හැවරදී චීනජාතිකයෙකු සමග කල්පිටියේ සහ මීගමුවේ පදිංචි තරුණයන් දෙදෙනෙකු විශේෂ කාර්යබලකාය විසින් අද 7 දින අත්අඩංගුවට ගනුලැබිය.
කුලියට ගත් නිවසක මෙම සන්නිවේදන ජාලය පවත්වාගෙනගොස්තිබුනි පැය විසිහතරපුරාම ක්‍රියාත්මක වන ඇපල් වර්ගයේ දුරකථන 416 කින් සහ අන්තර්ජාල සම්බන්ධතා ලබාගත හැකි රවුටර් 60 ද මෙම නීතිවිරෝධී සන්නිවේදන ජාලයට සම්බන්ද කර තිබී ඇත.
දේශීය මෙන්ම විදේශීය විවිධ දුරකථන සන්නිවේදන සමාගම් වලින් ලබාගත් සක්ක්‍රිය කරන ලද සිම්පත් 17152 ක් ද මොවුන් සන්තකයේ තිබී අත්අඩංගුවට ගෙන ඇත.
විදුලිය බිදවැටීමකදී ස්වයංක්‍රීයව පණගැන්වෙන විදුලි උත්පාදක යන්ත්‍රයක් ද සවිකර තිබිණි.
චීන ජාතිකයාට විසා නොමැතිබව මෙතෙක් කරන ලද විමර්ශන වලදී හෙළිදරවු වී ඇති අතර වැඩිදුර පරීක්ෂණ සදහා සැකකරුවන් අපරාධ පරීක්ෂණ දෙපාර්ත මේන්තුවට බාරදීමට නියමිතය.
