කාලගුණ විද්යා දෙපාර්තමේන්තුව අද උදැසන 05.30 ට නිකුත්කර ඇති කාලගුණ නිවේදනයට අනුව
ඉදිරි දින කිහිපයේදී, උතුරු සහ මධ්යම බෙංගාල බොක්ක මුහුදු ප්රදේශවල සහ උතුරු සහ මධ්යම අරාබි මුහුදු ප්රදේශවල සුළගේ වේගය විටින් විට පැ.කි.මී. 70-80 දක්වා වැඩි විය හැකි අතර එවිට එම මුහුදු ප්රදේශ විටින් විට ඉතා රළු සිට දළ රළු විය හැක.
උතුරු සහ මධ්යම බෙංගාල බොක්ක මුහුදු ප්රදේශවල, අගෝස්තු මස 05 වන දින සිට 09 වන දින දක්වාද, උතුරු සහ මධ්යම අරාබි මුහුදු ප්රදේශවල අගෝස්තු මස 05 වන දින සිට 11 වන දින දක්වා ද ධිවර සහ නාවුක කටයුතුවල යෙදීම අනතුරුදායක බව දැනුම් දෙනු ලැබේ.
පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්රදේශවල ස්ථාන ස්වල්පයක වැසි ඇතිවිය හැක.
දිවයින වටා වන මුහුදු ප්රදේශවල සුළං නිරිත දෙසින් හමා එන අතර සුළගේ වේගය පැ.කි.මී. (30-40) පමණ වේ.
පුත්තලම සිට මන්නාරම හරහා කන්කසන්තුරය දක්වා සහ පොතුවිල් සිට මඩකළපුව දක්වා වන මුහුදු ප්රදේශවල සුළගේ වේගය විටින් විට පැ.කි.මී. (60-65) දක්වා වැඩි විය හැකි අතර එම මුහුදු ප්රදේශ විටින් විට රළු විය හැක.
කන්කසන්තුරය සිට මුලතිවු හරහා ත්රිකුණාමලය දක්වා සහ හම්බන්තොට සිට පොතුවිල් දක්වා වන මුහුදු ප්රදේශවල සුළගේ වේගය විටින් විට පැ.කි.මී. (50-55) දක්වා වැඩි විය හැකි අතර එම මුහුදු ප්රදේශ විටින් විට තරමක් රළු විය හැක. ගිගුරුම් සහිත වැසි ඇති වන විට එම ප්රදේශවල තාවකාලිකව තද සුළං ඇති විය හැකිඅතර එවිට එම මුහුදු ප්රදේශ තාවකාලිකව රළු විය හැක.
මේ පිලිබදවඉතා අවධානයෙන් කටයුතු කරන ලෙස කාලගුණ විද්යා දෙපාර්තමේන්තුව ධීවර සහ නාවුක ප්රජාව ඉල්ලීමක් කරයි
