2020 වර්ෂය සඳහා මීගමුව මහා නගර සභාවේ ප්රධාන කාර්යාලයට අයත් ප්රදේශයේ ගෘහස්ත දේපලවලට අදාළව වරිපනම් බදු අය කිරීමේ ප්රතිශතය 5% සිට 6% දක්වා 1% කින්ද කොච්චිකඩේ හා තලාහේන උප කාර්යාලයට අයත් ප්රදේශවල ව්යාපාර ස්ථානවලට වරිපනම් බදු අය කිරීමේ ප්රතිශතය 12% සිට 13% දක්වා 1% කින් ද වැඩි කිරීමේ යෝජනාව මෙමමස 5 වනදින පැවති මාසික මහාසභා රැස්වීමේදී වැඩි ජන්දයෙන් සභා සම්මතවිය.
යෝජනාව පිළිබද විවාදයේදී ප්රධාන කාර්යාල බලප්රදේශයේ බදු ප්රතිශතය වැඩිකිරීමට විරුද්ධ බව පොදුජන එක්සත් පෙරමුණේ දයාල් නිලංග ද සිල්වා මන්ත්රීවරයා ප්රකාශ කල නිසා දයාන් ලාන්සා නගරාධිපතිවරයා යෝජනාව සදහා ජන්දය විමසීමක් සිදුකල අතර ජනතා විමුක්ති පෙරමුණේ මන්ත්රීවරු තිදෙනා පමණක් විරුද්ධව ජන්දය ප්රකාශකල අතර ව්රෝධය ප්රකාශකල දයාල් නිලංග ද සිල්වා මන්ත්රීවරයා ජන්දය දීමෙන් වැලකි සිටියේය.
