පවතින අයහපත් කාලගුණතත්වය හේතුවෙන් මිගමුව සහ කටාන ප්‍රදේශීය ලේකම් බලප්‍රදේශ වල පුද්ගලයන් 16597දෙනෙකු පිඩාවට පත්ව ඇත.
කටුනායක අවට ප්‍රදේශ වලට මිලිමීටර් 272.3 ක වර්ෂාපතනයක් ලැබී ඇතිඅතර වැසි ජලයෙන් නිවාස යටවිමනිසා කටානප්‍රාදේශීය ලේකම් කොට්ටශයේ පවුල් 2687 කට අයත් පුද්ගලයන් 9803 දෙනෙකු පිඩාවට පත්ව ඇතිබව ප්‍රාදේශීය ලේකම් කේ ජි එච් එච් ආර් කිරිඇල්ල මහතා ප්‍රකාශ කරයි.
පිඩාවට පත්ව ඇති පුද්ගලයන් ගෙන් වැඩිපිරිසක් ම්හහුනුපිටිය සෙල්ලකන්ද සමුර්ධිගම ජනජයගම පහල කදිරාන ප්‍රදේශ වල පදිංචි කරුවන්ය.
මිගමුව ප්‍රාදේශීය ලේකම් බලප්‍රදේශයේ අගුරුකාරමුල්ල ගෝමස්වත්ත දළුවාකොටුව දළුපොත යන ගම්වල
පවුල් 1609 කට අයත් පුද්ගලයන් 6694 දෙනකු පිඩාවට පත්ව ඇති අතර ඔවුනට දළුපොත සහ දළුවකොටුව දේවස්ථානවල නවාතැන් පහසුකම් සලසා ඇතිබව මිගමුව ප්‍රාදේශීය ලේකම් අයේෂා පතිරණ මහත්මිය පවසයි.
පිඩාවට පත් සියලු දෙනා සදහා පිසුඅහාර ලබාදීමට කටයුතු කරනබව ප්‍රාදේශීය ලේකම්වරු පවසති.
වැසිජලය බැසයන ස්වභාවික ඇළමාර්ග අවහිරකර ඉදිකර ඇති අනවසර ගොඩනැගිලි සහ ඉඩම් කැබලිකර විකිණීමේදී ඇල මාර්ග පටුකිරීමට ඉඩදීමෙන් සහ වැසිජලය බැසයාම පිලිබදව අවධානය යොමුනොකර පාරවල් කපර්ට් සහ කොන්ක්‍රීට් කිරීම නිසා සුළු වැස්සකට පවා කටානේ සහ මිගමුව නගරයේ බොහෝ ප්‍රදේශ ජලයෙන් යටවන බව ප්‍රදේශවාසීන් පවසයි.
