වර්තමානයේ පවත්වාගෙන යනු ලබන කොරෝනා මර්දන වැඩසටහන අලුත් අවුරුද්ද අවසානය වන තෙක් පවත්වාගෙන යාමටත්, අනතුරුව තත්ත්වය විමර්ශනය කර ඊළඟ පියවර ගැනීමටත් රජය තීරණය කර තිබේ.
අලුත් අවුරුදු සමය අවසන් වීමත් සමග අවදානමෙන් තොර දිස්ත්රික්කවල දැන් ක්රියාත්ම වන ඇඳිරි නීතිය ඇතුළු සීමාවන් ඉවත් කිරීමේ හැකියාව පවතින බවද රජය සඳහන් කරයි.
කොවිඩ් – 19 රට තුළ ව්යාප්තිය පාලනය කරනු පිණිස රජය ක්රියාත්මක කළ වැඩසටහනේ ප්රගතිය සමාලෝචනය කර ඉදිරි පියවර තීරණය කිරීම සඳහා 04 දින ජනාධිපති කාර්යාලයේදී පැවැති සාකච්ඡාවේදී මෙම තීරණ ගෙන ඇත.
කොරෝනා ආසාදිතයන් වැඩි සංඛ්යාවක් හමුවූ දිස්ත්රික්ක කිහිපය හැර බහුතර දිස්ත්රික්කයන්හි කොරෝනා ව්යාප්ත වීමේ තර්ජනයක් දැනට නැති බවද රජය පවසයි.
