මීගමුවමහා නගර සභාවේ සිදුවී ඇති සියලු දුෂණ ආක්‍රමිකතා පිළිබද විදීමත් පරීක්ෂණ පවත්වා නිත්‍යානු කුලව පියවර ගැනීමටත් මීගමුව නගරය ලංකාවේ වඩාත්ම සුන්දර දියුණු නගරය ලෙස දියුණු කිරීමට කටයුතු කරනබව මීගමුව මහානගර සභාවේ නව නගරාධිපති නීතිඥ රොබට් හිංකෙන්ද මහතා පැවැසිය.
නගරාධිපති වරයා මේ අදහස් පලකලේ 02 පෙරවරුවේ නව නගරාධිපති වරයා ලෙස මිගමුව නගරසභා පරිශ්‍රයේපිහිටි නගරාධිපති කාර්යාලයේදී වැඩබාර ගැනීමෙන් අනතුරුව මාධ්‍ය වෙත අදහස් පලකරමිනි.
මෙහිදී වැඩිදුරටත් අදහස් පලකල නගරාධිපතිවරයා අද සිට මිගමුව නගර සභාව හොරකම නාස්තිය දුෂණයෙන් තොර මානව හිතවාදී ආයතනයක් ලෙස කටයුතු කිරීම ආරම්භ කරනවා ඒ සදහා සියලුම නිලධාරිගේ සහ සියලුම සේවක මහත්ම මහත්මීන්ගේ කැපවීම අවශ්‍යයි.
මාලිමවේ අපේ කණ්ඩායමට මිගමුව නගරසභා බල ප්‍රදේශය ලංකාවේ ආකර්ශනියම දියුණුම සහ ලස්සනම නගරය බවට පත්කිරීමේ සැලසුමක් තිබෙනවා.
නගර සභාවට දැනට නොලැබෙන සියලු නිත්‍යානු අදායම් එකතුකර ගනිමින් හා නව අදායම් උත්පාදන මාර්ග ඇතිකරමින් සංවර්ධන කටයුතු සදහා අවශ්‍ය මුදල් උපයාගැනීමට බලාපොරොත්තු වනවා
මෙම අවස්ථාවට සහභාගී වූ මිගමුව සංවර්ධන කමිටුවේ සභාපති නියෝජය ක්‍රීඩා අමාත්‍ය සුගත් තිලකරත්න මහතා මිගමුව් සුළු වැස්සකදී පවාජලයෙන් යටවන තත්වයක් නිර්මාණය වී තිබෙනවා මේ තත්වය නිවැරදි කරගැනීම සදහා හොද ජලාපවාහන පද්ධතියක් සකස් කිරීමට අවශ්‍යයි ඒසදහා අවශ්‍ය සැලසුම් සිදුකරමින් පවතිනවා.අනවසර ඉදිකිරීම් සහ ගොඩකිරීම් මේ ජලගැලීම් වලට එක් ප්‍රධාන හේතුවක්. එවැනි අනවසර ඉදිකිරීම් ඉවත්කිරීමට අවශ්‍ය නිත්‍යානුකුල පියවර ගන්නා බවද නියෝජ්‍ය අමාත්‍යවරයා වැඩිදුරටත් පැවසිය.
මෙම අවස්ථාවට නියෝජ්‍ය නගරාධිපති චාමර ප්‍රනාන්දු මාලිමාව නියෝජනය කරන සභිකයන් සහ නාගරික කොමසාරිස් රුවනි සුබසිංහ මහත්මිය ඇතුළු නිලධාරීන් පිරිසක්ද එක්වසිටියේය.
නගරාධිපති වරයා වැඩ භාරගත් අවස්ථාව ජායාරුපයෙන් දැක්වේ
