දේශීය සහ විදේශීය සංචාරකයන් ඇතුළුව දිනකට විශාල පිරිසක් සහ රථවාහන විශාල ප්රමාණයක් ගමන්කරන මිගමුව කොචිචිකඩේ 905 බස් මාර්ගයට ඇලවූ දිරාපත්ව ඇති මේ අනාරක්ෂිත ගස දක්නට ලැබෙන්නේ මිගමුව සංචාරක හෝටල් කලාපයේය.
මෙම අනතුරු දායක ගස කඩිනමින් ඉවත්කිරීමට කටයුතු කර සිදුවිය හැකි දේපල සහ ජිවිත අනතුරු වලක්වා ගැනීම සදහා පියවර. ගැනීම මිගමුව නගරසභාවේ බලධාරීන්ගේ වගකීමකි.
ඉහත පුවත පිලිබදව අවධානය යොමුකළ නගරාධිපති නීතිඥ රොබට් හීන්කෙන්ද මහතා අනාරක්ෂිත ගස ඉවත් කිරීමට පියවර ගන්නා ලෙස අදාළ අංශවලට උපදෙස් දී ඇති අතර ඒ අනුව එම ගසෙහි අතු පමනක් ඉවත්කර ඇතිබව 04 දින එහි ගිය අපට දැකගත හැකිවිය. මේ අනුව සම්පුර්ණයෙන්ම අවදානම ඉවත්ව නැත.
මෙම ගස පුද්ගලික ඉඩමක ඇති අතර එය ඉවත්කළ යුත්තේ හිමිකරු විසින් බවත් හිමිකරු ඉව්ත්නොකරන්නේනම් නගර සභාවවිසින් ඉවත්කර අයිති කරුගෙන් වියදම අයකර ගැනීම සාමාන්ය ක්රියා පටිපාටිය බව නගර සභාවේ සේවකයෝ පවසති
