කාලයක් තිස්සේ විවිධ පුද්ගලයන් සහ කණ්ඩායම් විසින් එකතුකර ගන්නා මිගමුව නගර සභාවට ලැබිය යුතු මුදල් එකතුකර ගැනීමට කටයුතු නොකර නගර වැසියන් වෙත බදුබර පැටවීමට වත්මන් පාලකයන් ද කටයුතු කරමින් සිටිනබව මීගමුවේ බදු ගෙවන ජනතාව පවසති.
වරිපනම් බදු වැඩිනොකර අදායම් ලබාගතහැකි මාර්ග ඇතත් ඒවා ගැන අවධානයක් යොමු නොකරන නාගරික මන්ත්රීවරුන් පෙර පැවති පරිදිම විදිලාම්පු කුණු ට්රැක්ටරය වැනි සිල්ලර කරුණු පිලිබදව වැඩි අවදානයක් යොමුකර ඇති බව නගර සභාවේ නිලධාරීන් පවසති.
පසුගිය මහා සභා රැස්වීමේදී ස්වාධීන නාගරික මන්ත්රීවරයෙකු වන සජිත් මොහාන් මහතා පෙන්වා දුන් මිගමුව කොටුව ක්රීඩාංගනය අසල නගර සභාවට අයත් මාර්ගවල සහ නව මාළු වෙළද සංකීර්ණයෙන් සිදුකරන නිත්යානුකුල නොවන මුදල් අයකිරීම කප්පම් ගැනීමකට සමානබව එහි පැමිණෙන පාරිභෝගිකයන් පවසති
මෙහි සිටින මත්ෂ්ය ව්යාපාරිකයන් ගෙන් සහ පැමිණෙන රථවාහන වලින් මේ අනවසර බදු එකතුකරන කණ්ඩායම විසින් දිනකට රුපියල් 60,000 කට අධික මුදලක් එකතුකර ගන්නා බව මත්ෂ්ය ව්යාපාරිකයෙකු වන මාක්ස් මහතා පවසයි ඔහු වැඩිදුරටත් පවසන්නේ මේවා රජයට අයත් දේපොළ බැවින් ඒවායෙන් ලැබෙන අදායම් රජයට ලැබිය යුතු බවයි
මිලියන 42 ක් වැයකර ඉදිකර 2009 සැප්තැම්බර් මස 19 දින විවෘත කර ඇති මෙම ම්ත්ෂ්ය වෙළද පොලෙන් සතයක් වත් මිගමුව මහනගර සභාවට හෝ රජයට ලැබී නැති බව දැනගන්නට ඇත.
මේ අනුව වසර 16 ක් තිස්සේ මිලියන 190 කට අධික මුදලක් කවුරුන්හෝ . එකතුකරගෙන ඇත.
