නිවාස සංවර්ධන අධිකාරියේ මිලියන 16 ක මුල්‍ය ආධාර මත මිගමුව ආසනයේ අඩු අදායම් ලාභීන් 16 දෙනකු සදහා ඉදිකළ නිවාස ලෝක ජනාවාස දිනය යෙදුනු අද 5 වන දා ඔවුන්වෙත බාරදීම ක්‍රීඩා නියෝජ්‍ය අමාත්‍ය සුගත් තිලකරත්න මහතාගේ ප්‍රධානත්වයෙන් මිගමුව මුන්නක්කරයෙන් ආරම්භවිය. .
ධිවර කාර්මිකයෙකු වන මුන්නක්කරය ශාන්ත නිකුලා පාරේ පදිංචි කුසල් නිශාන්ත කුමාර මහතා විසින් නිවාස සංවර්ධන අධිකාරිය මගින් ලබාදුන් රුපියල් දශලක්ෂයක මුදලට ලද පරිත්‍යාග සහ ඔහු උපයාගත් මුදල් ද ප්‍රයෝජනයට ගෙන මාස තුනකට ආසන්න කාලයකදී මෙම නිවස පදිංචියට සුදුසු අන්දමින් නිමකරගෙන තිබේ.
දරුවන් තිදෙනෙකු සමග මොවුන් ජිවත්ව තිබුනේ ලෑලි ගසා සකස්කළ තාවකාලික නීවසකය.නිවසේ වැඩ පටන්ගැනීම සදහා මුල්ගල ලබාගත්තේ නයට බව නිවස බාරගැනීමෙන් පසු කුමාර මහතා පැවසිය.
මිගමුව ප්‍රදේශීය ලේකම් රසිකා මල්ලවආරච්චි නගරාධිපති නිතිඥ රොබට් හීන්කෙන්ද මහතා ඇතුළු පිරිසක්ද මෙම අවස්ථාවට සහභාගිවිය.
