මීගමුවේ අනවසර ඉදිකිරීම් ඉවත් කිරීමේ වැඩි වගකීමක් ඇත්තේ මිගමුව නගර සභාවට වන අතර පසුගිය මහා සභාවලදී අනවසර ඉදිකිරීම් පිලිබදව අදහස් පලකල නාගරික මන්ත්‍රීවරු තෝරාගත් අනවසර ඉදිකිරීමක් දෙකක් ගැන අදහස් පලකලත් බලප්‍රදේශයේ ඇති සමස්ථ අනවසර ඉදිකිරීම් සම්බන්ධයෙන් ක්‍රියාකළ යුතු ආකාරය පිලිබදව සාධනීය යෝජනාවක් ඉදිරිපත් කිරීමට කටයුතුකරනු දක්නට නොලැබිණි.
මීගමුවේ මාර්ග රක්ෂිත,පදික වේදිකා, ඇළමාර්ග අවහිරකර ,කලපුව ගොඩකර සහ මුහුදු වෙරළේ ඉදිකර ඇති තාවකාලික සහ ස්ථිර අනවසර ගොඩනැගිලි විශාල වශයෙන් දක්නට ඇත.
මේවායින් ඇල මාර්ග අවහිර කරමින් තාවකාලික හෝ ස්ථිර ගොඩනැගිලි ඉවත්කර නගරය සහ ජනතාව ජලයෙන් යටවී සිදුවන පිඩා වලින් වලක්වා ගැනීම සදහා ප්‍රමුකත්වයක් දියයුතුය
එමෙන්ම පදික වේදිකාවන් අවහිර කරමින් සිදුකර ඇති ඉදිකිරීම් මාර්ග අනතුරුවලට හේතුවන අතර අලුතින් සිදුකරන සියලු අනවසර ඉදිකිරීම් නතර කිරීමද වත්මන් නගර සභා පරිපාලනයේ වගකීමකි.
බොහෝ අනවසර ඉදිකිරීම් සිදුකරන්නේ රාත්‍රී කාලයේ සහ දීර්ඝ සතිඅන්තයේ බැවින් නගර සභාව තුලඑවැනි හදිසි තොරතුරු වාර්තා කිරීම සදහා පැය විසිහතරේම ක්‍රියාත්මක තොරතුරු ලබාගැනීමේ ඒකකයක් ස්ථාපිත කිරීමද ප්‍රයෝජනවත් වනු ඇත.
