මිගමුව කඩොල් කැලේ සරත් ගුණරත්න ක්‍රීඩාංගනය මෙන්ම ජෙයරාජ් ප්‍රනාන්දු පුල්ලේ ගෘස්හස්ත ක්‍රීඩාංගනය සහ නව පාපන්දු පිටිය ඉදිවන භුමිය නගර සභාවට අයත් නැතිබව පවසමින් ගෙනයන ප්‍රචාරයන් සම්පුරණ යෙන්ම අසත්‍ය පදනම් විරහිත කතාවක් බව අපකල සොයාබැලීම් වලදී අනාවරණය කරගැනීමට හැකියාව ලැබී තිබේ
එමෙන්ම මහානගර සභාවේ නිලධාරියෙකු විසින් මෙම ඉඩමේ අයිතිය නැතිබව හැගවෙන අයුරින් නිකුත්කළ ලිපියක්ද අයිතිය නොමැති කථාවට උඩගෙඩි ලබාදීමක් වී ඇතිබවද දැනගන්නට ඇත
මහා කොළබ ආර් තික කොමිසම සතුව පැවති මෙම ඉඩම මිගමුව නගර සභාවට රජයේ තක්සේරුවට මුදලට විකිනීමට ජනාධිපති ලේකම් වරයා විසින් දන්වා ඇත්තේ 1986 වර්ෂයේදීය .
අපවෙත ඇති තොරතුරු අනුව අක්කර දහඅටයි රුඩ් දෙකක් සහ පර්චස් 24 ක් විශාලමෙම භුමියේ පාපන්දු,ටෙනිස් ,ක්‍රිකට් පිටි මෙන්ම ගෘහස්ත ක්‍රීඩාංගනයක් සහ ප්‍රේක්ෂකාගාරය ඉදිකිරීමට 2008 වර්ෂයේදී බිම් සැලස්මක් ද පිළියෙළ කර තිබේ.
කෙසේ වෙතෙත් හිටපු ධුරදාරින් හෝ නිලධාරීන් මෙම ගනුදෙනුව අවසන්කර ගැනීමට කටයුතු කර නැතිබවද නගර සභාවේ අභ්‍යන්තර ආරංචි මාර් ග පවසයි.
කෙසේ වෙතත් මිලියන 200 කට වැඩි මුදලක් වියදම්කර වගුරු බිමක්ව පැවති මෙම භුමිය ක්‍රීඩා භූමියක් ලෙස සංවර්ධනය කරන ලද්දේ නගර සභාව විසින්බව අපකල විමසීමකදී හිටපු දුරධාරින් කිහිපදෙනෙකු පැවසිය .
මෙම ප්‍රදේශයේ වෙළද පොළ වටිනාකම අනුව පර් චස් එකක අවම මිල මිලියන දෙකක් ලෙස උපකල්පනය කළහොත් පර්චස් 3064 ක් වන මෙම ඉඩමේ වත්මන් වෙළද පොළ අගය මිලියන 6128 කි.
හැකි ඉක්මනින් අදාළ පාර්ශව සමග සාකච්චාකර මෙම ඉඩමේ ගනුදෙනු අවසන්කර මෙම වත්කම නගර සභාව සතුකර ගැනීම සදහා කඩිනම් පියවර ගැනීම මහානගර සභාවේ බලධාරීන්ගේ සහ නිලධාරීන්ගේ වගකීමකි.
