2026 අයවැයට විරුද්ධව ඡන්දය පාවිච්චි කළ නිසා විපක්ෂයේ සමගි ජන බලවේග නාගරික මන්ත්‍රී කණ්ඩායම ඉදිරිපත්කරන ජනතා ඉල්ලීම යෝජනා සදහා ප්‍රතිපාදන ලබා නොදෙන බව නගරාධිපති රොබට් හීන්කෙන්ද මහතා පැවසූ බව මිගමුව මහා නගර සහාවේ සමගි ජනබල වේගයේ කණඩායම් නායක දිලිණි ජයකොඩි මහත්මිය පැවසිය.
නාගරික මන්ත්‍රීවරිය මෙම අදහස් පලකලේ සමගි ජ්නබලවේගයේ මිගමුව කාරයාලයේ පැවති මාධ්‍ය හමුවකට සහභාගී වෙමිනි.
මිගමුව මහානගර සභාවේ මාසික රැස්වීම ඊයේ 7 දින නගරාධිපති රොබට් හීන්කෙන්ද මහතාගේ ප්‍රධානත්වයෙන් පැවති අතර කරමාන්ත කාරක සභාවේ කටයුතු පිලිබදව සාකච්චා කරන බලන අවස්ථාවේදී කැපුම්ගොඩ දේවස්ථානයේ පෙරහැර මාරගයේ ප්‍රතිසංස්කරණ කටයුතු ප්‍රමාද වීම පිලිබදව නාගරික මන්ත්‍රී දිලිණි ජයකොඩි මහත්මිය විමසීමක් කර තිබේ.
2026 අයවැයට විරුද්ධව ඡන්දය පාවිච්චි කළ නිසා විපක්ෂයේ සමගි ජන බලවේග නාගරික මන්ත්‍රී කණ්ඩායම ඉදිරිපත්කරන ජනතා ඉල්ලීම යෝජනා සදහා ප්‍රතිපාදන ලබා නොදෙන බව නගරාධිපති රොබට් හීන්කෙන්ද මහතා ප්‍රකාශ කළබවත් එම ප්‍රකාශයට විරෝධය පලකරමින් තම කණඩායම මාසික මහාසභා රැස්වීමේ කාරක සභා අවස්ථාව වරජනය කර සභා ගැබෙන් පිටතට පැමිනි බවත් ප්‍රකාශ කළේය.
මෙහිදී අදහස් පලකල මොහොමඩ් රුෂ්ඩි නාගරික මන්ත්‍රීවරයා සියලු මන්ත්‍රී වරුන් ජනතා නියෝජිතයන් බවත් ඔවුන්ට ජනතාවට සේවය කිරීමට අවස්තාව තිබිය යුතු බවද නගර සභාව වියදම් කරන්නේ ජනතාවගේ බදු මුදල් බවද සදහන් කළේය.
මෙම අවස්ථාවට සමගි ජනබලවේගය නියෝජනය කරන නාගරික මන්ත්‍රීවරුන්වන දිලිණි ජයකොඩි, මොහොමඩ් නුස්රි, මාරි පීරිස්, මොහොමඩ් අෆ්රාස්, පියුමි සුරිඳි, දිස්නා ප්‍රනාන්දු, සහ සඳුනි තාරකා යන නාගරික මන්ත්‍රීවරුන් සහ මන්ත්‍රීවරියන් සහභාගී වූහ .
