මෙවර මිගමුව මහානගර සභාවේ මාසික රැස්වීමට සමගි ජනබලවේගයේ කණ්ඩායම් නායක දිලිණි ජයකොඩි මන්ත්‍රීවරිය විසින් යථාපරිදි කල්දී ඉදිරිපත්කල යෝජනාවක් එකච්චන්දයෙන් සම්මත විය.
මෙහි ඇති විශේෂත්වය වන්නේ මෙම යෝජනාව නගරාධිපතිවරයා ඇතුළු පක්ෂ විපක්ෂ සියලු නාගරික මන්ත්‍රීවරුන්ගේ ඇගයීමට ලක්වීමයි.
“මිගමුව මහානගර සභාව විසින් ටෙන්ඩර් කැදවා බදුකරුවන් වෙත බදු දී ඇති රථගාල් සහ පොළවල් වල අයකරන ගාස්තු සහ ගාස්තු අයකළ හැකි සීමාවන් පිලිබදවතොරතුරු පැහැදිලිව මහජනතාවට දැකගත හැකිවන පරිදි අවම වශයෙන් මීටර් 25 කට එක් දැන්වීම් පුවරුවක් බැගින් ඉදිකර පවත්වාගෙන යාම.
බදු එකතුකරන බදුකරුගේ සේවකයන් පැහැදිලිව හදුනාගැනීමට හැකිවන පරිදි සුදුසු නිල ඇදුමක් හදුන්වා දී එම නිල ඇදුම බදු එකතුකරන අවස්ථාවලදී ඇද සිටිය යුතු බවට කොන්දේසියක් බදුගිවිසුමට ඇතුලත්කිරිම.
නගර සීමාව තුල නාගරික කොමසාරිස්ගේ අණපරිදි වාහන නතරකිරිම සහ තහනම් කර ඇති ස්ථාන පිලිබදව විස්තර තොරතුරු ඇතුලත් ලේඛනයක් පවත්වාගෙනයාමට කටයුතුකර එම ලේඛනයේ සදහන් නොවන ස්ථානවල වාහන නැවත් වීම තහනම් කරමින් තබා ඇති දැන්වීම් පුවරු ඉවත්කිරීමට කටයුතු කිරීම”
යන කරුණු මෙම යෝජනාවට ඇතුලත් විය.
මෙම ප්‍රගතිශීලි යෝජනා කඩිනමින් ක්‍රියාත්මක කිරීම බලධාරීන්ගේ සහ නිලධාරීන්ගේ වගකීමකි.
