තායිලන්තයේ සිට කුෂ් හා හෑෂ් මත්ද්රව්ය මෙරටට රැගෙන ඒමේ සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටි චීවරධාරීන් විසි තුන්දෙනා එළැඹෙන මැයි 26 වැනිදා දක්වා තවදුරටත් රක්ෂිත බන්ධනාගාරගත කරන ලෙස මීගමුව අතිරේක මහේස්ත්රාත් සුබානි අබේසේකර මහත්මියඅද 12 දින නියෝග කළාය.
ඒ එම චිවරධාරීන් බන්ධනාගාරය මගින් , මීගමුව මහේස්ත්රාත් අධිකරණය වෙත ඉදිරිපත් කළ අවස්ථාවේදීය.
තායිලන්තයේ සංචාරයක නිරත වූ චීවරධාරීන් විසිදෙදෙනෙකු අප්රෙල් 25 වැනිදා මෙරටට පැමිණි අවස්ථාවේ කටුනායක ගුවන් තොටුපොළේදී අත්අඩංගුවට පත්වුණේ ඔවුන් රැගෙන ආ ගමන් මලුවල තිබී “කුෂ්” සහ “හෑෂ්” මත්ද්රව්ය කිලෝග්රෑම් 112ක් හමුවීමත් සමඟය.
මෙම පිරිස මෙහෙය වූ බව කියන මින්පෙර අවස්ථාව වලදීද මත්ද්රව්ය මෙරටට ගෙන එම සඳහා ඊට ආධාර අනුබලදුන් මහමුද් මොහොමඩ් නැමති පුද්ගලයකු කොළඹ ප්රදේශයේදී ඉකුත් 8 වැනිදා අත්අඩංගුවට ගෙන තිබේ. මොහොමඩ් මුසිම් අබ්දුල්ලා නැමති සැකකරු අත්අඩංගුවට ගැනීමට විමර්ශන කටයුතු සිදු කරනබව මත්ද්රව්ය කාර්යාංශයේ කාන්තා උප පොලිස් පරික්ෂක ලක්මාලි මහත්මිය වැඩිදුර විමර්ශන වාර්තාවක් ඉදිරිපත් කරමින් අධිකරණය වෙත දැනුම් දුන්නේය
මෙම මත්ද්රව්ය ජාවාරම හා සම්බන්ධ ප්රධාන මෙහෙයුම්කරුවන් කිහිපදෙනෙකු හඳුනාගෙන ඇති බවද උප පොලිස් පරික්ෂක ලක්මාලි මහත්මිය අධිකරණය හමුවේ තවදුරටත් පැවසිය
