දිනකට දහස් ගණනක් පැමිණෙන මිගමුව බස් නැවතුම් පොලෙහි සනීපාරක්ෂක පහසුකම් ඇත්තේ ඉතාමත් ප්‍රාථමික තත්වයෙනි.
බස්නැවතුම් පොලතුල වැසිකිලි පද්ධතියක් ඇති අතර එය පාලනය කරනුයේ නගර සභාව මගිනි එය භාවිතා කිරීම සදහා රුපියල් 20 ක් අයකරනු ලබන අතර එය අයකර ගැනීම සහ පිරිසිදු කිරීමේ කටයුතු සදහා නගර සභාවේ සේවකයෙකු යොදවා ඇත.
මෙම වැසිකිලි පද්ධතිය සදහා සවිකර ඇති වොෂ් බේසම් ඇතුළු සියලුම සවිකිරීම්වල එක් කොටසක් හෝ කොටස් කිහිපයක් කැඩී ගොස් හෝ ක්‍රියා විරහිතව ඇත.මෙනිසා කිසිදු සවිකිරීමක් භාවිතා කලනොහැකි තත්වයක පවතී එමන්ම මෙම සේදුම් කාමර සාදහා දවස පුරාම නිසි පරිදි නොලැබෙන බවත් වැසිකිලි සේදීම සදහා පහල මහලින් ජලය බාල්දි වලට රැගෙන ඒමට සිදුවී ඇතිබවත් එහිසිටි සේවකයන් පැවසීය.
මෙම වැසිකිලි දිගු කලක සිට නඩත්තු නොකිරීම නිසා සම්පුර් නයෙන්ම අලුත් වැඩියා කලයුතු තත්වයකට පත්ව ඇත.
මේවායේ අද 18 දින පැවති තත්වය අනුව මේවා සෞඛ්‍ය අංශයේ වගකිවයුතු නිලධාරියෙකු විසින් කිසිදා පරික්ෂාකර නැතිබව පෙනිගියේය.
මේවායේ තිබු සමහර සවිකිරීම් ගලවාගෙන ගොස් ඇතිබවත් දක්නට ලැබිණි.
බස්නැවතුම් පොලෙහි ප්‍රධාන ගොඩනැගිල්ලෙන් පිටතින් ඇති සේදුම් කාමරය ටෙන්ඩර් කැදවා බදුකරුවෙකුට ලබාදී ඇති අතර එහි සේවාව ලබා ගැනීම සදහා රුපියල් 30 හක මුදලක් අයකරනු ලබයි.
බස්නැවතුම් පොලෙහි ප්‍රධාන ගොඩනැගිල්ලේ ඇති වොෂ්රුම් සහ වැසිකිලි පද්ධතියේ මෙන්ම මෙහිද සවිකිරීම් විශාල වශයෙන් කැඩී බිදී ගොස් ඇත.
මෙහි බිමට සිමෙන්ති දමා ඇතිඅතර ටයිල් කර නැත අවම වශයෙන් නව ටෙන්ඩර් කරුට බාරදීමට පෙර හෝ අඩුපාඩු සම්පුර් න කර අලුත්වැඩියාවක් සිදුකළ යුතුව තිබිණි. වැසිකිලි පද්ධතියේ තත්වය අනුව රුපියල් 30 ක් අයකර ලබාදෙන සේවාව ප්‍රමාණවත් දැයි අවම ටෙන්ඩර් මුදල තීරණය කිරීමට පෙර සලකා බැලිය යුතුව තිබුණි හොදම සේවාවක් ලබාදෙන දක්ෂිණ අධිවේගී මාරගයේ සේවා ප්‍රදේශයේ අයකරනු ලබන්නේද රුපියල් 40 කි.
අඩුපහසුකම් සහිත තැනක් ලබාදී ටෙන්ඩර් කරුගෙන් විශාල සේවයක් බලාපොරොත්තු විය නොහැකි බව අපගේ අදහසයි.
මහා සභාවේදී වේගවත්ව අදහස් පලකරන සෞඛ්‍ය කමිටුවේ සාමාජිකයන්ට මෙන්ම මෙම ප්‍රදේශය නියෝජනය කරන නාගරික මන්ත්‍රීවරුන්ට සහ ප්‍රදේශයේ මහජන සෞඛ්‍ය පරීක්ෂක වරයාටද මෙම ස්ථාන පරික්ෂාකර අවශ්‍ය අලුත්වැඩියාවන් සහ නවීකරණය කිරීම සදහා යෝජනා ඉදිරිපත් කිරීමේ වගකීමක් ඇත.
මෙම ස්ථාන දෙකෙහිම අයකරන මුදල සදහා රිසිට් පතක් ලබාදෙන්නේ නැත සේවාවක් සදහා ගාස්තුවක් අයකරගන්නේනම් ඒ සදහා රිසිට්පතක් ලබාදිය යුතුව ඇත.
