අනීතිකව විවිධ පුද්ගලයන් විසින් බුක්ති විදිමින් සිටින නගර සභාවට අයත් සියලු දේපොළ යලි නගර සභාවේ පාලනයට ලබාගැනීම අදසිට අඛණ්ඩව ක්රියාත්මක කරනබව මිගමුව මහා නගර සභාවේ නගරාධිපති රොබට් හීන්කෙන්ද මහතා පවසයි.
නගරාධිපතිවරයා මෙසේ ප්රකාශකලේ නගරසභාවට අයත් ග්රීන්පාක් පිටියේ බලෙන් අනිතිකව අත්පත් කරගෙන තිබු ඉඩම් කොටස් මිනුම් කටයුතු සිදුකර යලි නගරසභාව බාරයට ගැනීමේ අවස්ථාවට එක්වෙමිනි.
මෙහිදී තවදුරටත් අදහස් පලකල නගරාධිපතිවරයා හිටපු පාලකයන් සහ සමහර දුෂිත නිලධාරීන් ප්රකෝටි ගණන් වටිනා මහා නගර සභාව සතු දේපල විවිධ කණඩායම් සහ පුද්ගලයන්ට බුක්ති විදීමට ඉඩදී වාසි ලබාගෙන තිබෙනවා.
බහුතර බලයක් ලබාදෙමින් මීගමුවේදී ජාතික ජනබලවේගය ඉහලින්ම ජයග්රහණය කරවූ ජනතාව ඉල්ලා සිටි වෙනස සිදුකිරීමට දුෂණ යෙන් වංචාවෙන් තොර නගර සභාවක් පාලනයක් ඇතිකිරීමට අවශ්ය සියලු නිත්යානුකුල ක්රියා මාරග ගැනීමට කුමන බාදක පැමිණියත් කටයුතු කරනවා.
නගරයේ ජනතාවට අයත් දේපල වලින් උපරිම ප්රයෝජන ලබාගැනීමට කටයුතුකර ලැබෙන අදායම් ජනතාවගේ යහපත නගරයේ දියුණුව සදහා යොදාගන්නවා.
මට හෝ අපේ පක්ෂයේ කිසිම නාගරික මන්ත්රීවරයෙකු නගර සභාවේ දේපොළ අයුතුලෙස පරිහරණය කරන්නේ නැතැයිද නගරාධිපති හීන්කෙන්ද මහතා වැඩිදුරටත් පැවසිය.
මෙම අවස්ථාවට නාගරික මන්ත්රීවරු සහ නිලධාරීන් පිරිසක්ද එක්ව සිටියේය
