මිගමුව මහා නගර සභාවට අයත් දේපල පිළිබද නිවැරදි ලේඛන නොමැති වීමෙන් විවිධ කණඩායම් සහ පුද්ගලයන් විසින් අනීතිකව බුක්ති විදින දේපල නගර සභාව බාරයට ගැනීම ගැටලුවක් වී ඇතිබව දැනගන්නට ඇත.
මෙයට එක් හේතුවක් වී ඇත්තේ වත්කම් ලේඛන වලින් කොටසක් සොරකම් කරගෙන ගොස් තිබීම වියහැකි බවට කතාබහක් නිර් මානයවී තිබේ
මෙහි ඇති හාෂ්ය ජනක තත්වය නම් මිගමුව මහානගර සභා භුමියේ අයිතිය තහවුරු කිරීම සදහා අවශ්ය කරන නිත්යානුකුල ලේඛනද නොමැති වීමයි.
නගර සභාව දැනටමත් බුක්ති විදිමින් සිටින දේපොළ වල අයිතිය කඩිනමින් තහවුරු කරගැනීම සදහා අවශ්ය ප්රකාශන ඔප්පු ආදී නිත්යානුකුල ලේඛන සකස්කරගෙන යන බවත් ඒ සදහා සමහර රාජ්ය ආයතනවලින් ලැබෙන සහයෝගය ප්රමාණවත් නොවනබවත් දැනගන්නට තිබේ.
මේ කටයුතු සදහා ඍජුව මැදිහත් වියහැකි ප්රධානතම පුද්ගලයා කොට්ඨාශය නියෝජනය කරන නාගරික මන්ත්රීවරයා හෝ අපේක්ෂකයාය. ඔවුන්ගෙන් වැඩිදෙනා ප්රමුඛත්වය ලබාදී ඇත්තේ විදුලි ලාම්පු සවිකිරීම බව දක්නට ඇත.
විදුලි ලාම්පු සවිකිරීම සදහා පුර එලිය නමින් යෙදවුමක් හදුන්වා දී ඇතත් ලබන මැතිවරණයෙන් ජයගැනීමට තමන්ගේ කොට්ඨාශයේ කලයුතු ඇති එකම කටයුත්ත, ජනතා සේවය, වගකීම විදුලි බුබුළු සවිකරන වාහනය පිටුපස ගමන්කිරීම යන තැනට නාගරික මන්තත්මරීවරු තම වගකීම පටු කරගෙන සිටීම කණගාටුවට කරුණකි.
මේවනවිට වත්මන් පාලනය බලයට පත්වී වසරක් සම්පුරණ වීමට ඇත්තේ දින කිහිපයකි. තමන්ගේ කොට්ඨාසයේ තිබෙන නගර සභාවට අයිති දේපල මොනවාද ඒවා නිත්යානුකුල නොවන අන්දමින් කවුරුන් හෝ බුක්හි විදිනවාද ආදී තොරතුරු සොයා බලා ලේඛනයක් ලබාදීමට ඔවුන් කටයුතු කලානම් අඩුම තරමින් මේ වනවිට දේපල සියල්ල හදුනා ගැනීමට හැකියාව තිබිණි.
එමෙන්ම නගර සභාවාට අයත් දේපොළ පිලිබදව තොරතුරැ දන්නා හිටපු ප්රගතිශීලි නාගරික මන්ත්රීවරුන් නිලධාරින් මෙන්ම විස්තර දන්නා පුරවැසියන් ගෙන් සහ සමාජ ක්රියාකාරීන්ගේ සහයෝගයද ප්රසිද්ධ ඉල්ලීමක් මගින් ලබාගැනීමෙන්ද මෙම කටයුතු පහසු කරගැනීමේ හැකියාවක් ඇත
නගරාධි පතිවරයාට සහ නියෝජය නගරාධිපති වරයාට පමණක් සියලු කටයුතු සිදුකල නොහැකි අතර ඔවුන්ට අවශ්ය සහයෝගය ලබාදීම සියලු නාගරික මන්ත්රීවරුන්ගේ සහ නිලධාරීන්කීගේ වගකීමකි.
සබැදි පුවත්
