ලක්‍ෂ තුනක පමණ වෙළද පොළ වටිනාකමක් ඇතිමත්කුඩු ග්‍රෑම් 28 යි මිලිග්‍රෑම් 375 ක් සහ රුපියල් 180000 ක මුදල් සමග මිගමුව කොට්ටාශයේ විෂ මත්ද්‍රව්‍ය ඒකකය සහ පොලිසියේ දුෂණ මර්ධනය සිදුකල වැටලීමකදී අත්අඩංගුවට ගෙන මිගමුව මහේස්ත්‍රාත් අධිකරණය හමුවට පැමිණවූ දගොන්නේ කුඩු ගඩා සහ ගෝලයා මෙම මස 30 දින දක්වා රක්ෂිත බන්ධනාගාරගතකර ඇත.
මිගමුව පොලිසියේ දුෂණ මර්ධන ඒකකයේ ස්ථානාධිපති උපපොලිස් පරීක්ෂක අයේෂ් පෙරේරා මහතාට ලැබුණු තොරතුරකට අනුව මෙම වැටලීම සිදුකර ඇත.
මෙසේ රක්ෂිත බන්ධනාගාර ඇත්තේ ගඩා යන අන්වර්ථ නාමයෙන් හදුන්වන දාගොන්න හොරකලේ වත්ත ප්‍රදේශයේ පදිංචි කරුවෙකු සහ ඔහුගේ ගෝලයෙකු බවකියන දගොන්නේ පදිංචි 36 වියැති විවාහකයෙකි.
මොවුන් දෙදෙනා කටුවැල්ලේගම නිල්පනාගොඩ දාගොන්න අලුතපොල කිබුලාපිටිය අවට ප්‍රදේශවලට හෙරොයින් බෙදාහරින ජාවාරම් කරුවන් දෙදෙනකු බව සිදුකල විමර්ශන වලදී අනාවරණය කරගෙන ඇත.
මිගමුව කොට්ටාශයේ විෂ මත්ද්‍රව්‍ය ඒකකයේ ස්ථානාධිපති චාමර සම්පත් සහ පොලිසියේ දුෂණ මර්ධන ඒකකයේ ස්ථානාධිපතිඅයේෂ් පෙරේරා මහතා සමග මෙම වැටලීම්වලට 31753 දමිත් 72492 නිශාන්ත 1959 තෙන්නකෝන් 38339 තුෂාර 8684 පතිරණ 72422 ශාන්ත 34512 ගමගේ යන පොලිස් නිලධාරින්ද සහභාගී වී ඇත.
