විවිධ පුද්ගලයන් සහ කණ්ඩායම් විසින් අත්පත්කරගෙන ඇති මිගමුව මහා නගර සභාවට අයත් අතිවිශාල දේපල ප්රමාණයක් ඇතිබවට අපවෙත තොරතුරු ලැබී ඇත.
මේවා අතර ජයිකා ආයතනයේ මුල්ය අනුග්රහය යටතේ මිගමුව සංචාරක ව්යාපාරය වැඩි දියුණු කිරීම සදහා ඉදිකරන ලද. ගුරුගේ ආයතනයටමාසයකට රුපියල් 55000 ක් වැනි සොච්චම් මුදලකට ලබා දී තිබු සංචාරක බෝට්ටු අංගනය යලි මහනගර සභාවේ පාලනයට ලබාගෙන ඇතිබව සදහන් කරමින් නගර සභාවේ මුහුණු පොතට ජායාරූප කිහිපයක් එක්කර ඇත
මෙය ඉතාමත් හොද ආරම්භයක් ලෙස අපි දකිමු එමන්ම ජයිකා ආයතනයෙන් ලබාදුන් මිලියන 42 ක් වැයකර ඉදිකරන ලද මිගමුව නව මාළු වෙළද සංකීර්ණයද කඩිනමින් මිගමුව මහා නගර සභාවේ පාලනයට ගතයුතුව ඇත.
මිලියන් 200 කට වැඩි මුදලක් මෙම වෙළද සංකීර්ණයයෙන් විවිධ පුද්ගලයන් විසින් වසර 17 ක් තිස්සේ එකතු කරගෙන ඇති අතර තව දුරටත් දිනකට අවම වශයෙන් රුපියල් 60000 කට වැඩිමුදලක් එකතුකර ගන්නා බව වෙළද සංකීර්ණයේ මසුන් අලවි කටයුතු වල නිරත ධීවරයන් පවසති.
මෙම වෙළද සංකීර්ණයේ අදායම මහා නගර සභාවට ලබාගැනීමට පියවර ගතයුතුබවට 2025 සැප්තැම්බර් මස මිගමුව මහා නගර සභාවේ මාසික සභා රැස්වීමේදී කරුණු ඉදිරිපත් කලත් මෙතෙක් ඒ පිලිබදව අවශ්ය පියවර ගැනීමට මෙතෙක් පියවර ගෙන නැත.
මිගමුවේ බදුගෙවන ජනතාවට අහිමිවී ඇති මෙම මුදල් නගරසභාවේ ගිණුමට බැරකර ගැනීමට කඩිනම් පියවර ගැනීම නාගරික කොමසාරිස් ඇතුළු නිලධාරීන්ගේ සහ නගරාධිපති වරයා ඇතුළු ධුරධාරින්ගේත් වගකීමකි.
සබැදි පුවත්
