2026 ජූනි 23 වන දින රාත්රියේ, ශ්රී ලංකා රේගු දෙපාර්තමේන්තුවේ මත්ද්රව්ය පාලන ඒකකයේ නිලධාරීන් විසින් බණ්ඩාරනායක ජාත්යන්තර ගුවන්තොටුපොළේදී රුපියල් මිලියන 352කට අධික වීදි වටිනාකමක් ඇති හෂීෂ්මත්ද්රව්ය තොගයක් සමග වයස අවුරුදු 18ක් වන කැනේඩියානු ජාතික තරුණියක් අත්අඩංගුවට ගත් බව රේගු මාධ්ය ප්රකාශක චන්දන පුංචිහේවා මහතා පවසයි.
ඇය කැනඩාවේ ටොරොන්ටෝ නගරයේ සිට ඩුබායි හරහා එමිරේට්ස් ගුවන් සේවයට අයත් EK 648 ගුවන් යානයෙන් ඊයේ රාත්රී 10.40ට පමණ ශ්රී ලංකාවට පැමිණ තිබේ.
රේගු නිලධාරීන් විසින් ඇයගේ ගමන් මලු දෙකක් තුළ සඟවා තිබූ කිලෝග්රෑම් 35.265ක් බරැති හෂීෂ් මත්ද්රව්ය තොගයක් සොයාගෙන ඇත.
එහි ඇස්තමේන්තුගත වීදි වටිනාකම රුපියල් මිලියන 352.65ක් පමණ වේ.
සිද්ධිය සම්බන්ධයෙන් මූලික විමර්ශන ශ්රී ලංකා රේගුවේ මත්ද්රව්ය පාලන ඒකකය විසින් සිදුකරන අතර, සැකකාරිය සහ අත්අඩංගුවට ගත් මත්ද්රව්ය තොගය වැඩිදුර විමර්ශන හා නීතිමය කටයුතු සඳහා පොලිස් මත්ද්රව්ය නාශක අංශයට වෙත භාරදීමට නියමිතය.
