මිගමුව මහානගර සභාවට අයත් අංක251/7993 දරණ රතු පැහැති කැබ් රථය අනතුරකට ලක්වවීම හේතුවෙන් කොච්චිකඩේ පොලිසියේ ගාල්කර ඇත.
අනතුර සිදුවන අවස්ථාවේදී මෙම කැබ් රථය නාත්තන්ඩිය ප්‍රදේශයේ පදිංචිව සිටින මිගමුව මහානගර සභාවේ ඉංජිනේරු මහතෙකු රැගෙන ඒම සදහා ගමන්කරමින්.තිබී ඇත.
මෙලෙස නිවසේ සිට රාජකාරි ස්ථානය දක්වා නිල රථ වලින් පැමිණීමට හිමිකම් ඇති නිලධාරී කණ්ඩායමට මේ ඉංජිනේරු මහතා අයත්නොවන බව රාජ්‍ය පරිපාලන චක්‍රලේඛ අනුව පැහැදිලි වන අතර ගමන්කල හැකි දුර ප්‍රමාණයේ සීමාවද ඉක්මවා ඇත.
අපට ලැබී ඇති තොරතුරු අනුව නිලධාරීන් කණ්ඩායමකට ප්‍රවාහන පහසුකම් ලබාදීමට ඇති ව්‍යතිරේඛයක් තමන්ට වාසිදායක ලෙස අර්ථ දක්වමින් ඉංජිනේරු මහතාට නිවාස සහ කාරයාලය අතර ගමන් කිරීම සදහා නිල රථයක් ලබාදීමට නගරසභාවේ පරිපාලනය කටයුතු කර ඇත.
එමෙන්මසේවයකරන පළාතෙන් පිටතපළාතක පිහිටි නිවසක සිට පැමිණීමට ප්‍රවාහන පහසුකම් ලබාගැනීමේදී ලබාගතයුතු අනුමැතියද ලබාගෙන නැතිබවද දැනගන්නට තිබේ.
නගර සභාවේ වියදම්ද ඉහල ගොස් ඇති අවස්ථාවක මෙලෙස ප්‍රවාහන පහසුකම් හිමිනැති නිලධාරියෙකුට ප්‍රවාහන පහසුකම් ලබාදීම පිලිබදව විධිමත් පරීක්ෂණයක් පැවැත්විය යුතුබව දුෂණයට සහ නාස්තියට එරෙහි නගර සභාවේප්‍රගතිශීලි නිලධාරින් පවසති.
