මීලග ජනාධිපති මැතිවරණයේදී ශ්රීලංකා පොදුජන පෙරමුණ ඇතුළුUNP විරෝධී ප්රගතිශීලි සන්ධානයෙන් ඉදිරිපත් කරන අපේක්ෂකයා මේවනවිටත් මහින්ද රාජපක්ෂ ජනාධිපති තුමා විසින් තෝරා අවසන් බව ගම්පහ දිස්ත්රික් පාර්ලිමේන්තු මන්ත්රී නිමල් ලාන්සා මහතා පවසයි
රජිත හපුආරච්චි පළාත් සභා මන්ත්රීවරයාගේ විමධ්ය ගත අරමුදලින්ලක්ෂ 130 ක මුදලක් යොදවමින් කටාන ආසනයේ පාසැල් සිසුන් 15000 කට සපත්තු බෙදා දීමේ වැඩසටහනේ සමාරම්භක උත්සවය රද්දොළුගම පඥානන්ද ජාතික පාසැලේ ශ්රවනාගාරයේදී අද 20 දින උදැසන නිමල් ලාන්සා මන්ත්රීවරයාගේ ප්රධානත්වයෙන් පැවති අතර එය අවසානයේ මාධ්ය වේදීන් කල ව්මසීම් වලට පිළිතුරු දෙමින් මන්ත්රීවරයා මෙම අදහස් ප්රකාශ කළේය.
මෙහිදී වැඩිදුරටත් අදහස් පලකල නිමල් ලාන්සා මන්ත්රීවරයා එම අපේක්ෂකයා කවුදැයි තවත් දින කිහිපයක් ඇතුලත දැනගැනීමට හැකිවන බවද ඔහු ශ්රීලංකා පොදුජන පෙරමුණ නියෝජනය කරමින් පොහොට්ටුව ලකුණින් තරග කරන බවද මහින්ද රාජපක්ෂ මහතා අද ලංකාවේ සිටින බහුතර ජනතාව කැමැති නායකයා බවද පෙන්වා දුන්නේය.
එක්සත් ජාතික පක්ෂයේ දුර්ධාන්ත පාලනය අවසන්කර ජනතාවාදී ආණ්ඩුවක් පිහිටුවීම සදහා ගොඩනැගෙන පුළුල් සන්ධානය ඉදිරිපත් කරන අපේක්ෂකයා කවරෙකු උවද ඔහුගේ ජයග්රහණය විජයග්රහණයක් කිරීම සදහා ඇපකැප වී ක්රියා කරණ බවද නිමල් ලාංසා මන්ත්රී වරයා වැඩිදුරටත් සදහන් කළේය
