මිගමුව නගරයේ කාණුවකතිබී පතරොම් 93 ක් අද උදැසන 10.15 ට පමණ පොලිස් විශේෂ කාර්යබලකාය විසින් සොයාගනු ලැබීය.
පැරණි රාජ් සිනමා ශාලාව අසල කාණුවක් පවිත්ර කිරීමට ගිය මිගමුව මහා නගර සභාවේ සේවකයන් මෙම පතරොම් තිබෙනු දැක ඇතිඅතර ඔවුන් විසින් කරන ලද දැනුම් දීමකට අනුව පැමිණි මිගමුව පොලිසිය සහ විශේෂ කාර්යබලකාය විසින් එම කානුව සහ අවට පරික්ෂාකර ඇත.
මෙහිදී බෝර 12 තුවක්කු සදහා භාවිතා කරන සජීවී උණ්ඩ 93 ක් සහ මිලිමීටර් 3.8 රිවෝල්වර සදහා යොදන හිස් කොපු 20 ක් සොයාගෙන ඇත.
පවිත්රතා සේවකයන්ට අනුව මෙම කානුව අවසන් වරට මෙයට දින දෙකකට පෙර පවිත්ර කර ඇත. ඒ අනුව මිගමුව නගරයේ සිදුකරන සෝදිසි මෙහෙයුම් හේතුවෙන් කිසිවකු විසින් මෙම පතොරොම් ගෙනැවිත් දමන්නට ඇතැයි පොලිසිය සැකපළ කරයි.
මිගමුව පොලිසිය වැඩිදුර පරීක්ෂණ සිදුකරයි.