25.7 C
Negombo
25.7 C
Negombo

මීගමුවේ රෝහලේ ඩෙංගු ඒකකයේ විශේෂඥ වෛද්‍ය වරයාගේ නිවසටත් හොරු රිංගයි.

-

මිගමුව මහරෝහලේ ඩෙංගු ඒකකයේ සේවයකරන විශේෂඥ වෛද්‍ය ලක්කුමාර ප්‍රනාන්දු මහතගේ රෝහල අසල පිහිටි නිවස රෝහලේ කාන්තා හෙදි නේවාසිකාගාරය ඇතුළු රෝහල අවට නිවාස කිහිපයක ලක්‍ෂ දහයක පමණ දේපල සොරකම්කළ සැකකරුවෙකු මෙම මස 10 දින දක්වා රක්ෂිත බන්ධනාගාර ගතකරන ලෙස මිගමුව වැඩ බලන  මහේස්ත්‍රාත් කේ ජි ගුණදාස මහතා නියෝග කළේය.

මෙසේ රක්ෂිත බන්ධනාගාර ගතකරන ලද්දේ රාගම වැලිසර තිබිරිගස්වත්තේ පදිංචිකරුවෙකු බ්වකියන නිලක්‍ෂන්පෙරේරා නමැති අයෙකි.

මිගමුව මහරෝහලේ කාන්තා නේවාසිකාගාරයට සොරකු ඇතුළුවී එහි නේවාසික හෙදියකගේ කාමරයක තිබු අල්මාරිය කඩා රුපියල් 12000 කමුදලක් සොරකම් කලබවට අගෝස්තු මස 28 දිනද විශේෂඥ වෛද්‍ය ලක්කුමාර ප්‍රනාන්දු මහතාගේ නිවස බිද රන් ආබරණ ඔරලෝසු මුදල් ඇතුළු දේපල සොරකම් කලබවට අගෝස්තුමස 11 වන දිනද මිගමුව පොලිසියේ අපරාධ විමර්ශන අංශයට වාර්තාවී තිබුණි.

මිගමුව පොලිසියේ අපරාධ විමර්ශන අංශයේ ස්ථානාධිපති උපපොලිස් පරීක්ෂක ජේ එම එස් ජයනාත් මහතා විසින් කොප්පර හන්දිය ආසන්නයේ සැකකටයුතු ලෙස ගැවසෙමින් සිටි අයෙකු අත්අඩංගුවට ගෙන ප්‍රශ්නකිරිමේදී  සොරකම් කිහිපයක තොරතුරු සැකකරුගෙන් අනාවරණය කර ගැනීමට හැකිවී ඇත.

සැකකරුගෙන් ලබාගත් තොරතුරු අනුව කොලබ හෙට්ට්ට්විදිය වත්තල ජාඇල ප්‍රදේශවල උකස් මධ්‍යස්ථාන වලට විකුණා තිබු සහ උකස්කරන ලද රන්භාණ්ඩ සොයාගෙන ඇති අතර සැකකරුගේ හිතවතුන් වෙත අලවිකරතිබු ඔරලෝසු වැනි භාණ්ඩ පොලිසිය විසින් අත්අඩංගුවට ගෙන් ඇත.

විනර්ශන වලදී අනාවරණය  වී ඇති තොරතුරු අනුව සැකකරු අධිකලෙස හෙරොයින් මත්කුඩු සදහා ඇබ්බැහිවී ඇතිබවද දිනකට ඒ සදහා වැයකරන දහස් ගණනක මුදල සොයා ගැනීම සදහා ගෙවල් බිදීම් සිදුකර තිබේ.

මිගමුව ජ්‍යෙෂ්ඨ පොලිස් අධිකාරී කපිල කඩුපිටිය මහතගේ උපදෙස් අනුව සහකාර පොලිස් අධිකාරී රන්ජන් කොට්ටච්චි මහතාගේ අධීක්ෂණයෙන් මුලස්ථාන ප්‍රධාන පොලිස් පරීක්ෂක උදය කුමාර වුල්ටර් මහතගේ මෙහෙයවීමෙන් සිදුකල මෙම විමර්ශන කටයුතු සදහා උපපොලිස් පරීක්ෂක චාමර ප්‍රදීප් පොලිස් කොස්තාපල්වරුන් වන 45148 පෙරේරා 88256 හදුන්නෙත්ති යන නිලධාරීන් සහභාගී විය.

නඩුකටයුතු මෙහෙයවන පොලිස් කොස්තාපල් නවරත්න බණ්ඩාර මහතා සැකකරුවන් අධිකරණයට ඉදිරිපත් කළේය.

spot_img

නවතම පුවත්

You might also likeRELATED
Recommended to you

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.