27 C
Negombo
27 C
Negombo

සියලූ මනුෂ්‍යයනට සමව සලකන කුළුණුබර සමාජයක් ගොඩනගමු -උදාවූ නත්තල බියෙන් සැකෙන් තොරව සමරන්න

-

උදාවූ නත්තල බියෙන් සැකෙන් තොරව සැමරීමට අවශ්‍ය පරිසරය රට තුළ දැන් ගොඩනැඟී තිබේන බව ඝෝඨාභය රාජපක්ෂ ජනාධිපති තුමා පවසයි උදාවූ නත්තල වෙනුවෙන් පණිවුඩයක් නිකුත්කරමින් එතුමා මේබව සදහන් කරයි නත්තල් සම්පුර්න පණිවුඩය පහතින් පළවේ

ලෝකයට සාමයේත්, සහජීවනයේත් පණිවිඩය රැගෙන ආ ජේසු සමිඳාණන්ගේ උතුම් දහමෙන් බැතිමත් සිත් සතන් පුබුදුවාලන අසිරිමත් නත්තලේ උදාව ලොකු කුඩා සැමට අපරිමිත ප‍්‍රීතියක් දනවයි.

නත්තලේ සැබෑ අර්ථය අපගේ ජීවිත ආලෝකවත් කර ගැනීමයි. ඒ සඳහා ජීවිත ආවර්ජනයෙන් පාපී සිතුවිලි සම්පූර්ණයෙන් බැහැර කොට ප්‍රේමයෙන් හා දයාවෙන් හදවත් පුරවා ගත යුතුය. ජේසු සමිඳාණන් සකල ලෝකවාසීන්ට පෙන්වාදුන් අධ්‍යාත්මයේ මග අප හෙළි පෙහෙළි කරගත යුතුය. එය සදාතනික ජීවිතය ද වන බව කිතු දහමෙන් අර්ථ ගන්වයි.

දේව දූත ගීතිකා හඬ අපට කියන්නේ ” සුසිත් දනන් හට සාමය වේවා ” යන්නය. අපගේ ප‍්‍රාර්ථනය ද කැපවීම ද එවන් වූ සුසිත් දනන් පිරි සමාජයකි. දෙව්පියාණන්ගේ ආශිර්වාදය ද, කැමැත්ත ද එයම බව අපි දැඩිව විශ්වාස කරමු. එ සේ ම දේවාශිර්වාදය ලැබූ පුදබිම් පසුගිය කාලයේ විඳි වේදනාත්මක අත්දැකීම නැවත අත් නොවිඳිමට අප වගබලා ගත යුතුය. උදාවූ නත්තල බියෙන් සැකෙන් තොරව සැමරීමට අවශ්‍ය පරිසරය රට තුළ දැන් ගොඩනැඟී තිබේ. එය කරුණාබර හදවත් ඇති සියලූ මනුෂ්‍යයන්ගේ ප‍්‍රාර්ථනාව ඉටු වීමක් සේම දැඩි වේදනාවටත්, කම්පනයටත් පත් සියලූ හදවත්වලට සැනසුමක් උදාකරවයි. ජේසු සමිඳාණන් දේශනා කළ පරිදි සියලූ මනුෂ්‍යයනට සමව සලකන කුළුණුබර සමාජයක් නිර්මාණය කිරීමට මේ උතුම් නත්තල් දිනයෙහි අපි නැවත අධිෂ්ඨාන කර ගනිමු.

උන්වහන්සේගේ දහමෙන් පෝෂණය වූ සමාව දීම, මනුෂ්‍යත්වය, ආදරය ආදී වූ උත්තුංග සදූපදේශයන්ගේ ශුභාරංචිය ගම්දනව් සිසාරා පැතිර ලක්වාසී සියලුම කිතුනු ජනතාවටත්, ලෝකවාසී සැමටත් සෞභාග්‍යමත් නත්තලක් වේවායි ප‍්‍රාර්ථනය කරමි

spot_img

නවතම පුවත්

You might also likeRELATED
Recommended to you

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.