මිගමුව කිඹුලාපිටිය පාරේ සිතියම් ගත ඇලමාර්ගයක් බැම්මක් බැද ගොඩකිරීමට ගත් උත්සහයක් ප්රදේශවාසීන්ගේ විරෝධය හමුවේ නතරකරවීමට කටාන ප්රාදේශීය සභාව පියවර ගත්තේය .
මීටර් තුනක ඇල මාර්ගය සහ මිටර් දෙක බැගින් වන ඇල රක්ෂිතය සමග මෙම ඇල මාර්ගයයේ සම්පුර්ණ පළල මිටර් හතකි.
මෙම ඇල පටුකිරිම නිසා වැසිජලය ගලායාම අවහිරවීමෙන් දැනටමත් සුළු වැස්සකට පවා යටවීමේ අවධානමක් ඇති කදසුරිදුගම මංගල වත්ත අගුරුවත්ත ප්රදේශ මෙන්ම ජිනවංස නාහිමි මාවතේ කොටසක්ද වැසිවතුරෙන් යටවීමේ ඉඩකඩ ඇත.
අනවසරයෙන් සිදුකරන මෙම නීති විරෝධී ඉදිකිරීම වහාම අත්හිටවන ලෙසත් ඇල ඇතුල සිදුකර තිබෙන සියලු ඉදිකිරීම් වහාම ඉවත් කර ඇලමාර්ගය පවිත්රකරන ලෙසද එම ස්ථානයට පැමිණි කටාන ප්රදේශීය සභාවේ කාර්මික නිලධාරී මහතා විසින් දැනුම්දී ඇත.