මිගමුව දිස්ත්රික් මහරෝහලේ ඇති හෘදරෝග ඒකකය ඇත්තේ ඉතාමත් දුර්වල මට්ටමකයි එය ක්රියාත්මක වන්නේ බාහිර ප්රතිකාර ඒකකයක් වශයෙනුයි.රෝහලේ දැඩිසත්කාර ඒකකයේ ඇත්තේ ඇදන්හතරයි.
හෘද රෝගයක් වැලදී පැමිණෙන රෝගීන්ට අවශ්ය හදිසි ප්රතිකාර කිරීම සදහා කිරීටක සත්කාර ඒකකයක් පිහිටුවීමෙන් ජිවිතරැසක් රැකගැනීමට හැකිවනවා යයි මිගමුව මහරෝහලේ හෘද රෝග පිළිබද විශේසඥ වෛද්ය දිස්නා අමරතුංග මහත්මිය පවසයි.
අලුතින් ආරම්භකරන ඇදන් 10 කින් සමන්විත මිගමුව දිස්ත්රික් මහරෝහලේ හෘද දැඩි සත්කාර ඒකකයට නවීන උපකරණ මිලදීගැනීමට අවශ්ය මිලියන 30 ක මුදල එකතුකර ගැනීම සදහා දිස්ත්රික් 306 බි 1 ජ්යාතන්තර සිංහසමාජය ක්රියාත්මක කරන ව්යාපෘතියේ සමාරම්භක අවස්ථාවට එක්වෙමින් මිගමුව ගෝල්ඩන් ස්ටාර් හෝටලයේදී 24 දින විශේසඥ වෛද්ය දිස්නා අමරතුංග මහත්මිය මෙම අදහස් පලකලේය.
මෙම ඒකකය පිහිටුවීම සදහා අවශ්ය ගොඩනැගිලි ඇතුළු පහසුකම් රෝහල මගින් සපයන අතර විදුලි ඇදන් 10 කින් සහ මධ්යම පාලන ඒකකයක් සහිත නවීන උපකරණ කට්ටල සැපයීම සිංහ සමාජය මගින් සිදුකරනු ලැබේ
දැනටමත් සිංහ සමාජයේ ජ්යාතන්තර පදනම විසින් මිලියන 15 ක මුදලක් ප්රධානයක් වශයෙන් අනුමත කර ඇති බවත් මිලියන හතරක මුදලක් දැනටමත් එකතුවී ඇතිබවද ඉතිරි මිලියන 11 පුද්ගලික පරිත්යාග ශිලින්ගෙන් හා මහජනතාව ගෙන් එකතුකර ගැනීමට බලාපොරොත්තු වන බව මෙම ව්යාපෘතියේ පරිපාලක දේවා පීටර් මහතා සදහන් කළේය.
පුත්තලම සිට රාගම දක්වා කිලෝමීටර් 133 ක දුරකට විහිදෙන වෙරළ තිරයේ කිසිදු රජයේ රෝහලක හෘද දැඩි සත්කාර ඒකකය නොමතිබවද මෙදිහි අනාවරණය විය.
මෙම සද්කාර්යට දායකත්වය ලබාදීමට කැමති පරිත්යාගශිලීන්ට දිස්ත්රික් 306 බි 1 සිංහ සමාජය නමින් කොමර්ෂල් බැංකුවේ වත්තල ශාඛාවේ ඇති අංක 1000219577 ගිණුමට මුදල් බැරකළ හැකිබවත් රුපියල් 25000 ක් හෝ එයට වැඩි මුදලක් පරිත්යාග කරන අයගේ නාම ලේඛනය හෘද දැඩි සත්කාර ඒකකයේ විශේෂ සමරු ක පලකයක සටහන් කරතබන බවද දේවා පීටර් මහතා පවසයි.
මේ පිලිබදව වැඩිදුර තොරතුරු +94 773569939 නිශාන්ත +947141720 67 පැලෑෂිඩස් අමතා ලබාගත හැක.
