බන්ධනාගාර දෙපාර්තමේන්තුවේ බුද්ධි අංශය විසින් 14 අද දින අලුයම එකට පමණ මීගමුව බන්ධනාගාරය තුල සිදුකල හදිසි සෝදිසි මෙහෙයුමක දී විශේෂ ගණයේ සිර කුටි කිහිපයක තිබී රුපියල් ලක්ෂ 6 ක් පමණ වටිනාකමින් යුත් මත්කුඩු ග්‍රෑම් 60 ඒවා කිරා ජාවාරම් කිරීම සදහා භාවිතාකරන කුඩා ප්‍රමාණයේ ඉලෙක්ට්‍රොනික් තරාදියක් සමඟ ජංගම දුරකතන 9 ක් සහ බ්ලුලේබල් හිස් විස්කි බෝතල් දෙකක්ද අත්අඩංගුවට ගෙන ඇත.
මෙම බන්ධනාගාරය තුළ සිටින රැදවියන් විසින් ජංගම දුරකථන ඔස්සේ මෙහෙයවූ මත්කුඩු ජාවාරම් දෙකක සැකකරුවන් මත්කුඩු සමග මිගමුව කොට්ටාශ අපරාධ විමර්ශන අංශය විසින් මෙම වසර තුලදී අත්අඩංගුවට ගෙන තිබුනු අතර .මිගමුව බන්ධනාගාරයේ ඉහල නිලධාරියෙකු මෙම නීතිවිරෝධී කටයුතු පිටුපස සිටින බවට ආරක්ෂක අංශ සැක පළකළේය
බුද්ධි අංශ නිලධාරීන් 27 දෙනෙකුගෙන් යුත් මෙම කණ්ඩායම මෙම වැටලීම සිදුකර ඇති අතර අංක 2 සහ එල් වාට්ටු දැඩි පරීක්‍ෂණයටලක්කර ඇත
මීගමුව බන්ධනාගාරය තුලින් මෙවැනි නීතිවිරෝධී ද්‍රව්‍ය තොගයක් එකවර අත්අඩංගුවට ගෙන ඇති ප්‍රථම අවස්ථාව මෙය වන බවද බන්ධනාගාර ආරංචිමාර්ග පවසයි.
