මිගමුව කලපුවෙන් ගොඩදමන වැලි පිටතට රැගෙන යාම තාවකාලිකව වහාම නතර කර බලධාරීන් සමග සාකච්චාකිරීමට අවස්ථාවක් ලබා දෙන බවට වෙරළ සංරක්ෂණ සහ ධිවර කාර්යාලයේ නිලධාරීන් දෙනලද පොරොන්දුව මත කලපු ධීවරයන් විසින් දුව හන්දිය අසලදී(අද ) පැවැත්වූ විරෝධතාවය අවසන්කරනු ලැබිය.
මීගමුව කලපුව සංවර්ධනය කරන මුවාවෙන් මහාපරිමාණ වැලි ජාවාරමක් සිදුකරන බව පවසමින් කලපු ධීවරයන් සහ ප්‍රදේශවාසීන් එක්ව අද(24 ) දහවල් දුව හන්දිය අසල විරෝධතාවයක් ආරම්භකරනු ලැබිණි
වැලි ජාවාරම නතරකරනු කලපුවේ වැලි කලපුවේ සංවර්ධනයට යොදා ගනු ධිවර තොටුපොළවල් සංවර්ධනය කරනු ආදී පුවරු රැගත් ධීවරයන් විශාල පිරිසක් මෙම උද්ඝෝෂණයට සහභාගිවිය
මෙම අවස්ථාවේදී විරෝධතා කරුවන් හමුවීමට පැමිණි ධිවර සහ වෙරළ සංරක්ෂණ නිලධාරීන් පැමිණි අතර දැනට සිදුවන්නේ කලපුව සංවර්ධනයක් නොව අසමානය ලෙස කලපුව ගැබුරුකර වැලි ජාවාරම් කිරීම බවට කලපු ධීවරයන් චෝදනා කළේය
මහා පරිමාණ කරවල නිෂ්පාදකයන් කලපුවට තොග වශයෙන් වශයෙන් අපද්‍රව්‍ය මුදා හරිනබවද කලපුව සංවර්ධන කටයුතු අරම්භාකිරීමට පෙර අලුතින් අපද්‍රව්‍ය කලපුවට එකතුවීම වැළැක්විය යුතු බව පෙන්වාදුන් ධීවරයන් එසේ නොකර සිදුකරන කලපු සංවර්ධනයකින් ප්‍රයෝජනයක් නොලැබෙන බවද සදහන් කළේය
